මහනුවර–කොළඹ මාර්ගය කෑගල්ල දිස්ත්රික් කඩුගන්නාව ප්රදේශයෙන් අද පස්වරුවේ සිට නැවත වසා දැමූ බව දිස්ත්රික් ලේකම් ජේ.එම්. හේරත් මහතා දැනුම් දෙයි.
ජාතික ගොඩනැගිලි පර්යේෂණ සංවිධානයෙන් ලభූ දැනුම්දීමකට අනුව මෙම තීරණය ගෙන ඇති අතර, නායයෑම් හේතුවෙන් මෙම මාර්ගය ඊට පෙරද කිහිපවාරයක් තාවකාලික ලෙස වසා තිබුණි. ඊයේ පස්වරුවේ එය යළි ගමනාගමනට විවෘත කළද අද නැවත වසා දැමීය.
ආපදා තත්ත්වය හේතුවෙන් අවහිර වූ සියලු මාර්ග ඉදිරි දින හතරකදී යථා තත්ත්වයට පත් කිරීමට කටයුතු කරමින් සිටින බව මාර්ග සංවර්ධන අධිකාරියේ අධ්යක්ෂ ජනරාල් විමල් කන්ඩම්බි මහතා සඳහන් කරයි.
එසේම උඩරට දුම්රිය මාර්ගයේ හානියට ලක්වූ පේරාදෙණිය පාලම පිළිබඳව අධ්යයනයක් සිදුකරමින් සිටින බව දුම්රිය සාමාන්යාධිකාරී රවීන්ද්ර පද්මප්රිය මහතා පවසයි.
