එක්සත් ජාතීන්ගේ මානව හිමිකම් පිළිබඳ මහ කොමසාරිස් වොල්කර් ටර්ක් මහතා අද පස්වරුවේ ශ්‍රී ලංකාවට පැමිණියි. ඔහු ජූනි 26 වනදා දක්වා දිවයිනේ සංචාරයක නිරතවීමට නියමිතය.
2016 වසරෙන් පසු UN මානව හිමිකම් මහ කොමසාරිස්වරයෙකු ශ්‍රී ලංකාවට පැමිණි පළමු වතාව මෙය වේ.
සංචාරය තුළදී වොල්කර් ටර්ක් මහතා ජනාධිපති අනුර කුමාර දිසානායක, අග්‍රාමාත්‍ය ආචාර්ය හරිනි අමරසූරිය, විදේශ කටයුතු ඇමැතිවරයා සහ තවත් කැබිනට් අමාත්‍යවරුන්, පාර්ලිමේන්තු මන්ත්‍රීවරුන්, ජ්‍යෙෂ්ඨ රාජ්‍ය නිලධාරීන්, ආගමික නායකයින් සහ සිවිල් සමාජ නියෝජිතයන් හමුවීමට නියමිතය.
මහ කොමසාරිස්වරයා ශ්‍රී දළඳා මාලිගාවට පිදීම සහ මල්වතු-අස්ගිරි මහානා හිමිවරුන් බැහැදැකීම ද සිදුකිරීමට නියමිතය.
මෙම සංචාරය යාපනය සහ ත්‍රිකුණාමලය ඇතුළු උතුරු සහ නැගෙනහිර පළාත්වල සංචාරයන් ද ආවරණය කරයි. එහිදී එම පළාත් ආණ්ඩුකාරවරුන් හා හමුවීම්ද සැලසුම් වී ඇත.
විදේශ කටයුතු, විදේශ රැකියා සහ සංචාරක අමාත්‍යාංශය පවසන්නේ, වොල්කර් ටර්ක් මහතා ශ්‍රී ලංකා මානව හිමිකම් කොමිසම සමඟද විශේෂ සාකච්ඡාවක් පැවැත්වීමට නියමිත බවයි.
