දුම්රිය ස්ථානාධිපති තනතුරු සඳහා පිරිමි පුද්ගලයින්ට පමණක් අයදුම් කිරීමට ඉඩ දෙන බව දැක්වූ ගැසට් නිවේදනයක් මඟින් මූලික මිනිස් අයිතිවාසිකම් උල්ලංඝනය වේැයි සඳහන් කරමින් කාන්තාවන් දෙදෙනෙක් විසින් ඉදිරිපත් කළ පෙත්සමක් ශ්‍රේෂ්ඨාධිකරණය විසින් විභාගයට ගැනීමට අද (11) අනුමැතිය ලබා දී ඇත. මෙම තීරණය ලබා දුන්නේ විනිසුරු ත්‍රිපුද්ගලයකුගෙන් සමන්විත මඩුල්ලක් විසිනි.
පෙත්සමෙන්, අදාළ ගැසට් නිවේදනයේ “පිරිමි පුද්ගලයින්ට පමණක්” යන වගන්තිය ඉවත් කරන ලෙසත්, එය ආණ්ඩුක්‍රම ව්‍යවස්ථාවේ 12(1) සහ 12(2) යටතේ ඇති සමානත්වය සහ රැකියා නිදහස උල්ලංඝනය කරන බවත් පෙන්වා දී ඇත. අදාළ පෙත්සම අගෝස්තු 27 දින විභාගයට ගැනීමට නියම වී ඇත.
