කොළඹ ද සොයිසා කාන්තා රෝහලේදී කොවිඩ් ආසාදිත 25 හැවිරිදි මවක් සිව් නිවුන් දරු උපතක් සිදුකිරීඑමත් සමඟ සියලුදෙනාගේ අවධානය ඒ වෙතට යොමු විය. කොළඹ කුප්පියාවත්ත ප්‍රදේශයේ පදිංචි එලෙස ගැහැණු දරුවන් දෙදෙනෙකුත් පිරිමි දරුවන් දෙදෙනෙකු බිහි කළාය.

ඊයෙ (17) උදෑසන 11.23 ට මෙම සිව් නිවුන් දරු උපත සිදු වූ අතර වෛද්‍යවරුන් පවසන්නේ කොවිඩ් ආසාදිත මවක් සිව් නිවුන් දරු උපතක් සිදු කළ ලොව පළමු අවස්ථාව මෙය බවයි.

ඇය ඉකුත් නොවැම්බර් 30 වනදා ද සොයිසා කාන්තා රෝහලට ඇතුළත් වූ අතර එදින සිදුකළ PCR පරීක්ෂණයෙන් කොවිඩ් ආසාදිත බවට තහවුරු වී තිබුණි. ඒ අනුව ඇය විශේෂ වාට්ටුවකට යොමුකර තිබුණේය.

කොවිඩ් ආසාදිත මවක් වුවත්, නව ජන්ම දැඩි සත්කාර පහසුකම් සිය රෝහලේදීම ලබාදිය යුතු නිසා වෙනත් රෝහලකට මාරු නොකර ද සොයිසා කාන්තා රෝහලේදීම දරු ප්‍රසූතිය සිදුකිරීමට එහි රෝහල් කාර්‍ය මණ්ඩලය තීරණය කර තිබුණි.
මෙම සැත්කම සඳහා විශේෂඥ වෛද්‍යවරු 08 දෙනෙක් ඇතුළු සහභාගී වූ වෛද්‍යවරුන් සංඛ්‍යාව 15කි. දරුවන් සඳහා විශේෂිත උපකරණ පවා ගෙන්වා තිබූ අතර, එක් එක් දරුවාට වෛද්‍යවරු සහ හෙදියන් යෙදවීමත් විශේෂත්වයකි. විශාල පරිශ්‍රමයකින් අනතුරුව බිහිකළ මේ දරුවන් මේ වන විට දැඩි සත්කාර ඒකකයේ රඳවා තිබේ