2025 වසරේ මේ දක්වා ශ්‍රී ලංකාවට පැමිණ ඇති සංචාරකයින් ගණන ලක්ෂ 16 ඉක්මවා තිබෙන බව ශ්‍රී ලංකා සංචාරක සංවර්ධන අධිකාරිය නිකුත් කළ නවතම සංඛ්‍යා ලේඛනවල සඳහන් වේ.
ඊයේ (07) වන විට 1,604,018ක් දක්වා විදේශ සංචාරකයින් මෙරටට පැමිණ ඇති අතර, සැප්තැම්බර් මාසයේ මුල් දින හත තුළ සංචාරකයින් 37,495ක් ශ්‍රී ලංකාවට පිවිස තිබේ.
සැප්තැම්බර් මාසයේදී ඉන්දියාවෙන් 10,171ක් (27.1%) පැමිණ ඇති අතර, එක්සත් රාජධානියෙන් 3,033ක්, ජර්මනියෙන් 2,426ක්, ඔස්ට්‍රේලියාවෙන් 1,806ක් සහ චීනයෙන් 1,803ක් මෙරටට පැමිණ තිබේ.
මෙම වසරේ මුළු සංචාරක සංඛ්‍යාවෙන් ඉන්දියාවෙන් 335,766ක්, එක්සත් රාජධානියෙන් 154,174ක් සහ රුසියාවෙන් 119,592ක් පැමිණ ඇති බවද සංචාරක සංවර්ධන අධිකාරිය වැඩිදුරටත් නිවේදනය කරයි.
