අපරාධ පරීක්ෂණ දෙපාර්තමේන්තුව විසින් හිටපු පොලිස්පති දේශබන්දු තෙන්නකෝන් මහතා අද (20) පස්වරුවේ ඔහුගේ නිවසේ දී අත්අඩංගුවට ගෙන ඇත.

ගාලුමුවදොර අරගලයට පහරදීම සම්බන්ධයෙන් සිදුකරන විමර්ශනවලට අදාළව මෙම අත්අඩංගුව සිදුකළ බව සොයාබැලේ.

ඒ මහතා පෙර අත්අඩංගුවට ගැනීම වළක්වා ඇප මත මුදා හැරීමට ඉල්ලා අයදුම්පතක් ගොනු කළද, අද (20) කොටුව මහේස්ත්‍රාත් නිලුපුලි ලංකාපුර මහත්මිය හමුවේ එය ප්‍රතික්ෂේප කරන ලදී.

රත්නපුර මහ සමන් දේවාලයේ අභිනව බස්නායක නිලමේවරයා ලෙස සංඛ මාපිටිගම මහතා අද (20) තේරීපත් වී ඇත.

මෙය රත්නපුර දිස්ත්‍රික් ලේකම් කාර්යාලයේදී පැවති ඡන්ද විමසීමෙන් අනතුරුව සිදු විය.

ලංකා ලුණු සමාගමේ සභාපති ඩී. නන්දනතිලක මහතා සඳහන් කළේ, 400 ග්‍රෑම් අයඩින් මිශ්‍ර ලුණු කුඩු පැකට්ටුවක මිල රු.120 සිට රු.100 දක්වා අඩු කළ බවයි.

තවද 1 කිලෝග්‍රෑම් කැට ලුණු පැකට්ටුවක මිල රු.180 සිට රු.150 දක්වා අඩු කර තිබේ.

සතොස අලෙවි සැල් හරහා 400 ග්‍රෑම් ලුණු පැකට්ටුවක් රු.90 කටත් 1 කිලෝග්‍රෑම් කැට ලුණු පැකට්ටුවක් රු.140 කටත් ලබාගත හැකි බවද සභාපතිවරයා වැඩිදුරටත් කියා සිටියා.