උතුරු පොල් ත්‍රිකෝණය ව්‍යාපෘතිය යටතේ, උතුරේ පළමු බීජ පොල් නිෂ්පාදන ඒකකය ජනාධිපති අනුර කුමාර දිසානායක මහතාගේ ප්‍රධානත්වයෙන් අද (02) පෙරවරුවේ පලෙයි නගරයේදී ආරම්භ කෙරිණි.

මෙම ව්‍යාපෘතිය ශ්‍රී ලංකා පොල් පර්යේෂණ ආයතනය සහ හලාවත වැවිලි සමාගම අතර සහයෝගීතා වැඩසටහනක් ලෙස ක්‍රියාත්මක වේ. රජය යාපනය, මුලතිව් සහ මන්නාරම ප්‍රදේශ උතුරු පොල් ත්‍රිකෝණය ලෙස ප්‍රවර්ධනය කිරීම සැලසුම් කර ඇති අතර, 2025 වර්ෂයේ උතුරු පළාතේ අක්කර 16,000ක පොල් වගා කිරීම සහ 2025–2027 කාලය තුළ එය අක්කර 40,000 දක්වා ඉහළ නැංවීමට කටයුතු කරන බව නිල වශයෙන් දන්වා ඇත.

නිෂ්පාදන ඒකකයේ කටයුතු ආරම්භ කෙරෙමින්, ජනාධිපතිවරයා අතින් බීජ පොල් පැළයක් රෝපණය කරමින් ව්‍යාපෘතියේ නිල ආරම්භය සලකා දුන්නා.

මෙම අවස්ථාවට වැවිලි සහ ප්‍රජා යටිතල පහසුකම් අමාත්‍ය සමන්ත විද්‍යාරත්න, ධීවර, ජලජ සහ සාගර සම්පත් අමාත්‍ය රාමලිංගම් චන්ද්‍රසේකර්, පාර්ලිමේන්තු මන්ත්‍රී කේ. ඉලන්කුමරන්, උතුරු පළාත් ආණ්ඩුකාර නාගලිංගම් වේතනායහන්, පොල් පර්යේෂණ ආයතනයේ සහ හලාවත වැවිලි සමාගමේ නිලධාරීහුද සහභාගී විය.

එමෙන්ම ජනාධිපතිවරයා පුදුකුඩුඉරිප්පු මධ්‍ය මහා විද්‍යාලය ඉදිරිපිට පොල් සංවර්ධන අධිකාරිය මගින් සංවිධානය කරන ලද පොල් ආශ්‍රිත ප්‍රදර්ශනය නැරඹීමේ දීද එක් විය.

විද්‍යා හා තාක්ෂණ අමාත්‍ය මහාචාර්ය ක්‍රිෂාන්ත අබේසේන මහතා සඳහන් කළේ රට පුරා විදාතා සම්පත් මධ්‍යස්ථාන ආශ්‍රිතව කුඩා තාක්ෂණ බීජෞෂණ මධ්‍යස්ථාන 25 ක් පිහිටුවීමට අමාත්‍යාංශය කටයුතු කරමින් සිටින බවයි.

අමාත්‍යවරයා පසුගිය දා වීරකැටිය ප්‍රාදේශීය ලේකම් කාර්යාලයේ පැවති විදාතා ව්‍යවසායකයන්ගේ හමුවට සහභාගී වෙමින් මේ බව පැවැසීය.

විදාතා වැඩසටහන ඔස්සේ ප්‍රාදේශීය මට්ටමින් දේශීය සම්පත් ආශ්‍රිත කුඩා හා මධ්‍ය ව්‍යවසායන් දියුණු කරමින් ග්‍රාමීය ආර්ථිකය ශක්තිමත් කිරීමේ අරමුණ ඉටු කරන බවත්, එහිදී ව්‍යවසායකයන්ට මුහුණ දෙන ගැටළු විසඳා සාර්ථක මට්ටමකට ඔවුන් පියඹවීම අමාත්‍යාංශය උදෙසා ගන්නා දැක්ම බවත් ඔහු පැවැසීය.

ඉදිරියේදී එක් එක් ප්‍රදේශයේ විශේෂිත කර්මාන්ත හා ස්වාභාවික සම්පත් සම්බන්ධයෙන් නවීන තාක්ෂණය යොදාගෙන බීජෞෂණ මධ්‍යස්ථාන සකස් කරන අතර, කෘෂිකාර්මික, කාර්මික සහ පාරම්පරික කර්මාන්ත දියුණු කිරීමටද සහය ලබා දෙන බව අමාත්‍යවරයා තවදුරටත් ප්‍රකාශ කළේය.

ව්‍යවසායකයන්ට අවශ්‍ය මූල්‍ය ප්‍රතිපාදන ලබා දීමට දේශීය බැංකු සමග සහයෝගිතාව පවත්වාගෙන යාමටත්, නිෂ්පාදන වෙළඳපොළට ගෙන යාමට ප්‍රාදේශීය සභා සමග කටයුතු කිරීමටත් අවධානය යොමු කර ඇති බවද ඔහු අවධාරණය කළේය.

“දරුවන්ට එරෙහි ප්‍රචණ්ඩත්වය තුරන් කිරීමේ පළමු ගෝලීය අමාත්‍ය සමුළුවේ” දී ශ්‍රී ලංකාව ගත් ප්‍රතිඥා සමාලෝචනය කිරීම සඳහා වූ ජාතික සැසිය 2025 අගෝස්තු මස අවසානයේදී කාන්තා සහ ළමා කටයුතු අමාත්‍යාංශයේ දී පැවැත්විණි.

2024 නොවැම්බර් 07 සහ 08 යි කොළොම්බියාවේ බොගෝටා නගරයේ පැවති ගෝලීය සමුළුවට රටවල් 119 නියෝජනය කරන නියෝජිතයින් 1400කට අධික සංඛ්‍යාවක් එක්වූ අතර ශ්‍රී ලංකාවද එම සමුළුවේ සහභාගි විය. එහිදී ශ්‍රී ලංකාව සියලු දරුවන්ට ආරක්ෂිත පරිසරයක් ගොඩනගා ගැනීමට අදාළ වැදගත් ප්‍රතිඥා රැසක් දියුනු කළේය.

එම ප්‍රතිඥා අතරට ආරක්ෂිත පාසල් බිහි කිරීම, සමාජ සේවා ප්‍රතිචාර ශක්තිමත් කිරීම, දිවි ගලවාගත් දරුවන්ට සංවේදී සේවා සැපයීම සහ ශාරීරික දණ්ඩනය තහනම් කිරීම ඇතුළත් වේ.

මෙම ප්‍රතිඥා 2025 අගෝස්තු මාසය අවසානයට ඉටු කිරීම සඳහා අදාළ අමාත්‍යාංශයන් ගත් පියවර සමාලෝචනය කර ප්‍රගති වාර්තා සිවිල් සංවිධාන වෙත ඉදිරිපත් කිරීමත් මෙම සැසියේ ප්‍රධාන අරමුණ විය.

කාන්තා සහ ළමා කටයුතු අමාත්‍යාංශ ලේකම් කේ.ඩී.ආර්. ඔල්ගා මහත්මියගේ ප්‍රධානත්වයෙන් පැවති මෙම සැසියට අදාළ අමාත්‍යාංශ නියෝජිතයින්, එක්සත් ජාතීන්ගේ ළමා අරමුදල (UණෛCEF), ලෝක සෞඛ්‍ය සංවිධානය (WHO), ශ්‍රී ලංකා රතු කුරුස සංවිධානය සහ විවිධ සිවිල් සංවිධාන නියෝජිතයින් සහභාගි වූහ.