උතුරු පොල් ත්‍රිකෝණය ව්‍යාපෘතිය යටතේ, උතුරේ පළමු බීජ පොල් නිෂ්පාදන ඒකකය ජනාධිපති අනුර කුමාර දිසානායක මහතාගේ ප්‍රධානත්වයෙන් අද (02) පෙරවරුවේ පලෙයි නගරයේදී ආරම්භ කෙරිණි.

මෙම ව්‍යාපෘතිය ශ්‍රී ලංකා පොල් පර්යේෂණ ආයතනය සහ හලාවත වැවිලි සමාගම අතර සහයෝගීතා වැඩසටහනක් ලෙස ක්‍රියාත්මක වේ. රජය යාපනය, මුලතිව් සහ මන්නාරම ප්‍රදේශ උතුරු පොල් ත්‍රිකෝණය ලෙස ප්‍රවර්ධනය කිරීම සැලසුම් කර ඇති අතර, 2025 වර්ෂයේ උතුරු පළාතේ අක්කර 16,000ක පොල් වගා කිරීම සහ 2025–2027 කාලය තුළ එය අක්කර 40,000 දක්වා ඉහළ නැංවීමට කටයුතු කරන බව නිල වශයෙන් දන්වා ඇත.

නිෂ්පාදන ඒකකයේ කටයුතු ආරම්භ කෙරෙමින්, ජනාධිපතිවරයා අතින් බීජ පොල් පැළයක් රෝපණය කරමින් ව්‍යාපෘතියේ නිල ආරම්භය සලකා දුන්නා.

මෙම අවස්ථාවට වැවිලි සහ ප්‍රජා යටිතල පහසුකම් අමාත්‍ය සමන්ත විද්‍යාරත්න, ධීවර, ජලජ සහ සාගර සම්පත් අමාත්‍ය රාමලිංගම් චන්ද්‍රසේකර්, පාර්ලිමේන්තු මන්ත්‍රී කේ. ඉලන්කුමරන්, උතුරු පළාත් ආණ්ඩුකාර නාගලිංගම් වේතනායහන්, පොල් පර්යේෂණ ආයතනයේ සහ හලාවත වැවිලි සමාගමේ නිලධාරීහුද සහභාගී විය.

එමෙන්ම ජනාධිපතිවරයා පුදුකුඩුඉරිප්පු මධ්‍ය මහා විද්‍යාලය ඉදිරිපිට පොල් සංවර්ධන අධිකාරිය මගින් සංවිධානය කරන ලද පොල් ආශ්‍රිත ප්‍රදර්ශනය නැරඹීමේ දීද එක් විය.

“දරුවන්ට එරෙහි ප්‍රචණ්ඩත්වය තුරන් කිරීමේ පළමු ගෝලීය අමාත්‍ය සමුළුවේ” දී ශ්‍රී ලංකාව ගත් ප්‍රතිඥා සමාලෝචනය කිරීම සඳහා වූ ජාතික සැසිය 2025 අගෝස්තු මස අවසානයේදී කාන්තා සහ ළමා කටයුතු අමාත්‍යාංශයේ දී පැවැත්විණි.

2024 නොවැම්බර් 07 සහ 08 යි කොළොම්බියාවේ බොගෝටා නගරයේ පැවති ගෝලීය සමුළුවට රටවල් 119 නියෝජනය කරන නියෝජිතයින් 1400කට අධික සංඛ්‍යාවක් එක්වූ අතර ශ්‍රී ලංකාවද එම සමුළුවේ සහභාගි විය. එහිදී ශ්‍රී ලංකාව සියලු දරුවන්ට ආරක්ෂිත පරිසරයක් ගොඩනගා ගැනීමට අදාළ වැදගත් ප්‍රතිඥා රැසක් දියුනු කළේය.

එම ප්‍රතිඥා අතරට ආරක්ෂිත පාසල් බිහි කිරීම, සමාජ සේවා ප්‍රතිචාර ශක්තිමත් කිරීම, දිවි ගලවාගත් දරුවන්ට සංවේදී සේවා සැපයීම සහ ශාරීරික දණ්ඩනය තහනම් කිරීම ඇතුළත් වේ.

මෙම ප්‍රතිඥා 2025 අගෝස්තු මාසය අවසානයට ඉටු කිරීම සඳහා අදාළ අමාත්‍යාංශයන් ගත් පියවර සමාලෝචනය කර ප්‍රගති වාර්තා සිවිල් සංවිධාන වෙත ඉදිරිපත් කිරීමත් මෙම සැසියේ ප්‍රධාන අරමුණ විය.

කාන්තා සහ ළමා කටයුතු අමාත්‍යාංශ ලේකම් කේ.ඩී.ආර්. ඔල්ගා මහත්මියගේ ප්‍රධානත්වයෙන් පැවති මෙම සැසියට අදාළ අමාත්‍යාංශ නියෝජිතයින්, එක්සත් ජාතීන්ගේ ළමා අරමුදල (UණෛCEF), ලෝක සෞඛ්‍ය සංවිධානය (WHO), ශ්‍රී ලංකා රතු කුරුස සංවිධානය සහ විවිධ සිවිල් සංවිධාන නියෝජිතයින් සහභාගි වූහ.

සෞඛ්‍ය හා ජනමාධ්‍ය අමාත්‍යාංශය සංවිධානය කළ ආරෝග්‍යා ජංගම සුවසායනය, පසුගියදා (30) කළුතර දිස්ත්‍රික්කයේ කෙලින්කන්ද කොස්ගුලන කනිෂ්ඨ විද්‍යාලයේ දී පැවැත්විණි.

මෙහිදී අක්ෂි, දන්ත, සුවනාරි, ආයුර්වේද, දියවැඩියා, රුධිර පීඩන, ECඝ්, කොලෙස්ට්‍රෝල් ආදී වෛද්‍ය සායන රැසක් පැවැත්විණි. ප්‍රදේශයේ ජනතාව දහසකට අධික පිරිසක් මෙම සේවා ලබාගත් අතර අවශ්‍ය පුද්ගලයන්ට නොමිලේ ඇස් කණ්නාඩිද බෙදා දෙන ලදී.

ආරම්භක උත්සවය, ජාතික ජන බලවේගයේ ප්‍රධාන ලේකම් සහ පාර්ලිමේන්තු මන්ත්‍රී විශේෂඥ නිහාල් අබේසිංහ මහතාගේ ප්‍රධානත්වයෙන් පැවති අතර, පාර්ලිමේන්තු මන්ත්‍රී ධනුෂ්ක රංගනාත්, ශ්‍රී ලංකා රූපවාහිනී සංස්ථාවේ සභාපති ගිහාන් ද සිල්වා ඇතුළු අමුත්තන් සහභාගි වූහ.

නොමිලේ ඇස් කණ්නාඩි ලබා දීම සවී ලෑන්ඩ්ස් සමාගමේ අනුග්‍රහයෙන් සිදු කළ අතර එම සමාගමේ කළමනාකාර අධ්‍යක්ෂ ඕන්ඩ්‍රි පෙරේරා මහතාද එක්විය.

මෙම අවස්ථාවේදී පාර්ලිමේන්තු මන්ත්‍රී ධනුෂ්ක රංගනාත් මහතා සඳහන් කළේ, සෞඛ්‍ය සම්පන්න ජනතාවක් ගොඩනගා ගැනීම රජයේ ප්‍රමුඛ අරමුණක් බවත්, මෙම ජංගම සුවසායනය එම දැක්ම සාර්ථක කරගැනීමට වැදගත් පියවරක් බවත්ය.