ඇමරිකානු ජනාධිපති ඩොනල්ඩ් ට්‍රම්ප් හමාස් සංවිධානයට ගාසා තීරය සඳහා ඉදිරිපත් කළ සාම සැලැස්ම පිළිගැනීමට අවසාන දිනයක් දී ඇත.
ඔහු Truth සමාජ මාධ්‍ය ගිණුමේ සටහනක් තබා සදහන් කර ඇත්තේ, එළඹෙන ඉරිදා ග්‍රිනිජ් මධ්‍ය වේලාවෙන් රාත්‍රී 10.00ට (වොෂින්ටන් වේලාවෙන් සවස 6.00) පෙර එකඟතාවකට එළැඹිය යුතු බවයි.
මෙම සැලැස්ම අනුව සටන් වහාම නවතාලා, හමාස් සතු ඊශ්‍රායල් ජීව ඇපකරුවන් 20 දෙනෙකු සහ මියගිය බව සැලකෙන ඇපකරුවන්ගේ මළ සිරුරු පැය 72 ඇතුළත නිදහස් කිරීමට යෝජනා කර ඇත. එමෙන්ම ගාසා නගරවාසී සිය ගණනක් හුවමාරු කර ගැනීමටද නියමිතය.
කෙසේවුවත්, නියමිත අවසන් වේලාවට ගිවිසුමකට එළැඹිය නොහොත්, හමාස් සංවිධානයට එරෙහිව දැඩි පියවර ගන්නා බව ජනාධිපති ට්‍රම්ප් අවධාරණය කළේය.
