සමාජ මාධ්‍ය ඔස්සේ ජනාධිපති කයිස් සයිඩ් මහතාට අපහාස කළ බවට චෝදනා එල්ල වූ 56 හැවිරිදි පුද්ගලයෙකුට ටියුනීසියාවේ අධිකරණය මරණ දඬුවම නියම කර ඇත.

මෙම තීන්දුව ජනාධිපතිවරයාට අපහාස කිරීම සහ ජාතික ආරක්ෂාවට තර්ජනය කිරීම යන චෝදනා මත නියම වූ බව, මානව හිමිකම් සඳහා වූ ටියුනීසියානු ලීගයේ ප්‍රධානියා සඳහන් කළේය.

2021දී ජනාධිපතිවරයා බලය අත්පත් කරගත් පසු, අදහස් ප්‍රකාශය සඳහා දැඩි සීමා පැනවූ පසුබිමකදී මෙම තීන්දුව ලබා ඇත. එය එරට අධිකරණ ඉතිහාසයේ විරල හා කම්පන සහගත තීන්දුවක් ලෙස සැලකේ.

නීතිඥවරයා සඳහන් කළේ, ඔහුගේ සේවාදායකයාට එරෙහිව එල්ලවූ චෝදනා ෆේස්බුක් සටහන් කිහිපයකට අදාළ බවත්, එම තීන්දුවට එරෙහිව අභියාචනයක් ද ඉදිරිපත් කර ඇති බවත්ය.

ටියුනීසියාවේ අධිකරණය මරණ දඬුවම් කිහිපයක් නියම කර තිබුණද, වසර 30කට අධික කාලයක් තිස්සේ ඒවා ක්‍රියාත්මක වී නොමැත.

ඇමරිකානු ජනාධිපති ඩොනල්ඩ් ට්‍රම්ප් හමාස් සංවිධානයට ගාසා තීරය සඳහා ඉදිරිපත් කළ සාම සැලැස්ම පිළිගැනීමට අවසාන දිනයක් දී ඇත.

ඔහු Truth සමාජ මාධ්‍ය ගිණුමේ සටහනක් තබා සදහන් කර ඇත්තේ, එළඹෙන ඉරිදා ග්‍රිනිජ් මධ්‍ය වේලාවෙන් රාත්‍රී 10.00ට (වොෂින්ටන් වේලාවෙන් සවස 6.00) පෙර එකඟතාවකට එළැඹිය යුතු බවයි.

මෙම සැලැස්ම අනුව සටන් වහාම නවතාලා, හමාස් සතු ඊශ්‍රායල් ජීව ඇපකරුවන් 20 දෙනෙකු සහ මියගිය බව සැලකෙන ඇපකරුවන්ගේ මළ සිරුරු පැය 72 ඇතුළත නිදහස් කිරීමට යෝජනා කර ඇත. එමෙන්ම ගාසා නගරවාසී සිය ගණනක් හුවමාරු කර ගැනීමටද නියමිතය.

කෙසේවුවත්, නියමිත අවසන් වේලාවට ගිවිසුමකට එළැඹිය නොහොත්, හමාස් සංවිධානයට එරෙහිව දැඩි පියවර ගන්නා බව ජනාධිපති ට්‍රම්ප් අවධාරණය කළේය.

ගාසා තීරය සඳහා නව සාම සැලැස්මකට එකඟ වූ බව අමෙරිකානු ජනාධිපති ඩොනල්ඩ් ට්‍රම්ප් සහ ඊශ්‍රායල් අග්‍රාමාත්‍ය බෙන්ජමින් නෙතන්යාහු ප්‍රකාශ කර ඇත.

අදාළ සැලැස්ම පිළිගැනීමට හමාස් සංවිධානයට අනතුරු අඟවා ඇති අතර, එමගින් හමුදා මෙහෙයුම් වහාම නතර කිරීම යෝජනා කර තිබේ. තවද පැය 72ක් ඇතුළත ඊශ්‍රායල් ප්‍රාණ ඇපකරුවන් 20 දෙනෙකු නිදහස් කිරීමටත් සලස්වා ඇත.

එසේම අමෙරිකානු ධවල මන්දිරය හමාස් සංවිධානයට කරුණු 20ක් අඩංගු යෝජනාවක් ඉදිරිපත් කර ඇති බව විදෙස් මාධ්‍ය වාර්තා කරයි.