නවසීලන්තයේ ඔක්ලන්ඩ් නගරයේදී සුපිරි වෙළෙඳසැලක් තුලදී පුද්ගලයින් පිරිසකට තියුණු අයුධයකින් පහරදුන් පුද්ගලයෙක් ව වෙඩිතබා ඝාතනය කිරීමට එරට පොලීසිය කටයුතු කර තිබේ. මෙම සිදුවීම නිස පුද්ගලයින් සිව් දෙනෙක් තුවාල ලබා ඇති බව වාර්තා වේ.
එම ප්‍රහාරය සිදුවන අවස්ථාවේ වෙළෙඳසැල් සංකීර්ණය තුළ සිටි පුද්ගලයින් බියට පත්ව කෑකෝ ගසමින් එහා මෙහා යන වීඩියෝ සමාජ මාධ්‍ය ඔස්සේ සංසරණය වෙමින් පවතින අතර සැකකරු පිළිබඳව හෝ ඔහු එම ක්‍රියාව කළේ ඇයිද යන්න සම්බන්ධයෙන් තොරතුරු මෙතෙක් වාර්තා වී නොමැත.
