කොළඹ – නුවර ප්‍රධාන මාර්ගයේ පහළ කඩුගන්නාව ප්‍රදේශය කඩිනමින් යථා තත්ත්වයට පත් කරන ලෙස මහාමාර්ග අමාත්‍ය ජොන්ස්ටන් ප්‍රනාන්දු මහතා අදාළ අංශවලට ඊයේ උපදෙස් ලබා දුන්නා.එම ප්‍රදේශයට අධික වර්ෂාව සහ පස් කණ්ඩි කඩා වැටීම හේතුවෙන් පසුගියදා මාර්ගය වසා දැමුණා. කොළඹ – නුවර ප්‍රධාන මාර්ගයේ 98 වන කිලෝමීටර් කණුව ආසන්නයේ මෙම නාය යාමේ අවදානම හඳුනාගෙන ඇත. පසුව මාර්ග සංවර්ධන අධිකාරියේ (RDA) සහ ජාතික ගොඩනැගිලි පර්යේෂණ සංවිධානයේ (NBRO) නිර්දේශ මත මාර්ගයේ එක් මංතීරුවක් වාහන ගමනාගමනය සඳහා විවෘත කරන ලදී.එම ප්‍රදේශය ප්‍රතිසංස්කරණය කර කඩ සාප්පු යළි ඉදිකිරීමට පාර්ලිමේන්තුවේ පැවති විශේෂ රැස්වීමකදී තීරණය කර ඇත.
එය ඉතා ආරක්‍ෂිත ප්‍රදේශයක් බැවින් ජාතික ගොඩනැගිලි පර්යේෂණ සංවිධානයේ සහ මධ්‍යම පරිසර අධිකාරියේ (CEA) උපදෙස් මත සංවර්ධන කටයුතු කඩිනමින් සිදු කළ යුතු බවද අමාත්‍යවරයා පැවසීය.
