දෙමළ ජාතික සන්ධානය සහ ජනාධිපති ගෝඨාභය රාජපක්ෂ මහතා අතර අද පැවැත්වීමට නියමිතව තිබූ හමුව යළිත් වරක් කල් දමා තිබේ. සංහිඳියාව සම්බන්ධයෙන් සාකච්ඡා කිරීම සඳහා රැස්වීමක් සඳහා දෙමළ ජාතික සන්ධානයේ (ටීඑන්ඒ) නියෝජිත පිරිසකට ජනාධිපති රාජපක්ෂ ආරාධනා කර ඇති බව පාර්ලිමේන්තු මන්ත්‍රී ශානකියන් රසමැණිකන් ඊයේ නිවේදනය කළේය. වසර දෙකකට ආසන්න කාලයකට පසු අද පස්වරුවේ පැවැත්වීමට නියමිතව තිබූ රැස්වීම කල් දමා තිබෙනවා. මෙයට කල් දැමීමට හේතුව කොළඹ ජනාධිපති ලේකම් කාර්යාලය ඉදිරිපිට අද පැවැත්වීමට නියමිත සමගි ජන බලවේගයේ විරෝධතාවය නිසා බව ආරංචි මාර්ග සඳහන් කරයි.
