අද ජනතාවට සිදුව තිබෙන්නේ තම තමන්ගේ බරත් රට විනාස කරන දේශපාලඥයින්ගේ බරත් යන දෙකම කරට ගනීමට යැයි විපක්ෂ නායක සජිත් ප්රේමදාස මහතා අද (23) පැවසීය. ඒ සජිත් ප්රේමදාස මහතාගේ සංකල්පය මත ඉදිකෙරෙන 11 වැනි චෛත්යය ලෙස ගාල්ල, හිනිදුම, නාගොඩ මූලන ශ්රී ආනන්දාරාම විහාරස්ථානයේ ඉදිකරන ලද ” චන්දවිමල නාහිමි සමරු මහා සෑරාජයාණන්” වහන්සේ සසුනට පූජා කිරීමේ උත්සවයට සහභාගී වෙමිනි. මෙය ශ්රී සම්බුදු සසුනේ චිරස්ථිතිය උදෙසා අප්රමාණ මෙහෙවරක් කළ ජනසම්මතවාදී ජනපති දිවංගත රණසිංහ ප්රේමදාස මැතිදුන්ගේ 98 වන ජන්ම දිනය නිමිතිකොටගෙන “සසුනට අරුණ වැවයි දාගැබයි – ගමයි පන්සලයි” වැඩසටහන අනුව ක්රියාත්මක වූවකි.
ජනතාවගේ දුක නොතේරෙන ආණ්ඩුව ජනතාවගේ ජීවිත සමග සෙල්ලම් කරමින් සිටින බව පැවසූ විපක්ෂ නායකතුමා ආණ්ඩුව කරන ඇත්තන්ට ජන දුක පිළිබඳව පිළිබඳව කිසිදු වගක් නැති බව ද මෙහිදී පැවසීය.
එම අවස්ථාවට පූජ්ය පාද ගරුතර මහා සංඝරත්නය,මහජන නියෝජිතයන් ඇතුළු විශාල පිරිසක් එක්ව සිටියහ.
සමගි ජන බලවේගයට ඇත්තේ ඉලක්ක සපුරන වැඩපිළිවෙළක් බවත් ඒ වෙනුවෙන් සමගි ජනබලවේගය ඇප කැප වෙන බවත් විපක්ෂ නායකතුමා මෙහිදී වැඩි දුරටත් සඳහන් කර සිටියා,