වසර හතරක වැඩසටහනක් සඳහා ජාත්‍යන්තර මූල්‍ය අරමුදල (IMF) සමඟ සාකච්ඡා අගෝස්තු මාසයේදී පැවැත්වෙන බව ශ්‍රී ලංකා ජනාධිපති රනිල් වික්‍රමසිංහ මහතා පැවසීය.
“මාණ්ඩලික මට්ටමේ සාකච්ඡා කඩිනමින් සහ සාර්ථක ලෙස අවසන් කිරීම අපගේ අපේක්ෂාවයි,” ඔහු අද (3) රජයේ ප්‍රතිපත්ති ප්‍රකාශය ඉදිරිපත් කරමින් පාර්ලිමේන්තුවට පැවසීය.
“ජාත්‍යන්තර මූල්‍ය හා නීති විශේෂඥයන් වන Lazard සහ Clifford Chance සමඟ සහයෝගයෙන් ණය ප්‍රතිව්‍යුහගත කිරීමේ සැලැස්ම අවසන් කිරීම ආරම්භ කර ඇත,” ඔහු වැඩිදුරටත් පැවසීය.
නුදුරු අනාගතයේ දී මෙම සැලැස්ම ජාත්‍යන්තර මූල්‍ය අරමුදලට ඉදිරිපත් කිරීමටත්, ණය ආධාර ලබාදුන් රටවල් සමඟ සාකච්ඡා කිරීමටත් රජය කටයුතු කරන බව ජනාධිපතිතුමා වැඩිදුරටත් සඳහන් කළේය.
“ඉන්පසු පුද්ගලික ණය හිමියන් සමඟ සාකච්ඡා ද සම්මුතියකට පැමිණීමට පටන් ගනීවි” ඔහු වැඩිදුරටත් පැවසීය.
