ඇප කොන්දේසි ලිහිල් කරගැනීම සඳහා ඉල්ලුම් කළ පෙත්සමක් විභාගයට ගැනීමෙන් අනතුරුව ශ්‍රී ලංකා ක්‍රිකට් ක්‍රීඩක ධනුෂ්ක ගුණතිලකට ඔස්ට්‍රේලියානු අධිකරණය විසින් Wහට්සැප්ප් සේවාව භාවිත කිරීම සහ රාත්‍රියේ දී පිටතට යාමේ අවස්ථාව ලබා දී ඇති බව වාර්තා වේ.

සිඩ්නි ඩව්නිං සෙන්ටර් ප්‍රාදේශීය අධිකරණය මගින් මෙලෙස ධනුෂ්ක ගුණතිලකගේ ඇප කොන්දේසි තවදුරටත් ලිහිල් කිරීමට පියවර ගෙන තිබූ බව විදෙස් මාධ්‍ය වාර්තාවල සඳහන් වේ.

කාන්තාවකට අතවර කිරීමේ චෝදනා මත ධනුෂ්ක ගුණතිලක මීට පෙර ඔස්ට්‍රේලියානු ඩොලර් 150,000 ක ඇප මත නිදහස් කිරීමට සිඩ්නි අධිකරණය තීරණය කරනු ලැබුවේ ය.

ලෝක කුසලාන පාපන්දු තරගාවලියේ සෞදි අරාබිය හමුවේ පරාජයට පත් වූ ආජන්ටිනා කණ්ඩායම මෙක්සිකෝව හමුවේ ගෝල 2-0ක් ලෙස ජය ගැනීමට සමත් විය.

මෙම තරගය කටාර් හි ලුසේල් නගරයේදී පවත්වන ලදී.

2022 ලෝක කුසලාන පාපන්දු තරගාවලියේ අද ප්‍රබල ජර්මනියට එරෙහි තරගය ජය ගැනීමට ජපානය සමත් විය. ඒ ගෝල 2ට 1ක් ලෙසයි.

කටාර්හි, කලීෆා අන්තර්ජාතික ක්‍රීඩාංගණයේදී පැවැති තරගයේ පළමු අර්ධය අවසන් වන විට ගෝල 1ට 0ක් ලෙස ඉදිරියෙන් සිටියේ ජර්මනියයි.

නමුත් දෙවැනි අර්ධයේදී ක්‍රියාත්මක වූ ඩොආන් සහ අසානෝ රැස් ගෝලය බැගින් රැස් කරමින් ජපානය ජයග්‍රහණය කරා රැගෙන යාමට සමත් වූ අතර මෙය අවස්ථා 4කදී ලෝක ශූරයින් වූ ජර්මන් කණ්ඩායම, පාපන්දු ඉතිහාසයේ ජපානය හමුවේ පරාජයට පත් වූ පළමු අවස්ථාව ලෙස වාර්තා අතරට එක් විය.