2024 අධ්‍යයන පොදු සහතික පත්‍ර සාමාන්‍ය පෙළ විභාගයේ ප්‍රතිඵල අද (11) නිකුත් කර ඇත. විභාග දෙපාර්තමේන්තුව පවසන්නේ, එම ප්‍රතිඵල ඔවුන්ගේ නිල වෙබ් අඩවිවල වන www.doenets.lk සහ www.results.exams.gov.lk හරහා ලබාගත හැකි බවයි.

එමෙන්ම ප්‍රතිඵල සම්බන්ධයෙන් නැවත සමීක්ෂණය සඳහා අයදුම්පත් භාරගැනීම ජූලි මස 14 වනදා සිට 28 වනදා දක්වා සිදු කිරීමට කටයුතු යොදා ඇති බවද දෙපාර්තමේන්තුව නිවේදනය කරයි.

ප්‍රතිඵල සම්බන්ධයෙන් වැඩිදුර විමසීම් අවශ්‍ය නම් 1911 යන විභාග දෙපාර්තමේන්තුවේ ක්ෂණික ඇමතුම් අංකය හෝ 0112-785922, 0112-784208, 0112-786616 සහ 0112-784537 යන දුරකථන අංක හරහා විමසීම් කළ හැකිය.

මෙවර සාමාන්‍ය පෙළ විභාගය මාර්තු 17 සිට 26 දක්වා දිවයින පුරා විභාග මධ්‍යස්ථාන 3,664 ක් මත පැවැත්වූ අතර, විභාගයට සිසුන් 474,147 දෙනෙකු පෙනී සිටියේය. ඒ අතරින් 398,182 දෙනෙකු පාසල් අයදුම්කරුවන් ලෙසින් විභාගයට පැමිණිහ.

විභාග ප්‍රතිඵල ලේඛන බාගත කර මුද්‍රණය කිරීමට සියලුම විදුහල්පතිවරුන්ටම දැනටමත් ලබාදී ඇති පරිශීලක නාමය සහ මුරපදය භාවිතා කළ හැකි අතර, එමඟින් පාසලේ සම්පූර්ණ විභාග ප්‍රතිඵල ලේඛනය ලබාගත හැකිය. ඒ වගේම පළාත් සහ කලාප අධ්‍යාපන අධ්‍යක්ෂවරුන්ටද සිය පාසල්වල අයදුම්කරුවන්ගේ ප්‍රතිඵල ලබාගැනීමට අවශ්‍ය පහසුකම් සලසා ඇත.

පාසල් සහ පෞද්ගලික අයදුම්කරුවන්ට තම විභාග අංකය හෝ ජාතික හැඳුනුම්පත් අංකය භාවිතයෙන් තම ප්‍රතිඵල සටහන් නිරීක්ෂණය කිරීමට සහ බාගත කිරීමටද හැකියාව තිබේ. එසේ ලබාගන්නා මුද්‍රිත ප්‍රතිඵල සටහන් උසස් පෙළ සඳහා ඇතුළත් වීමේදී වලංගු ලේඛනයක් ලෙස භාවිතා කළ හැකි බවද විභාග දෙපාර්තමේන්තුව සදහන් කරයි.

පාසල් අයදුම්කරුවන්ගේ මුද්‍රිත ප්‍රතිඵල ලේඛන ඔවුන්ගේ විදුහල්පතිවරුන් වෙත සහ පෞද්ගලික අයදුම්කරුවන්ගේ ලේඛන අදාළ අයදුම්කරුවන් වෙත නැවත සමීක්ෂණයෙන් පසු නිකුත් කිරීමටද කටයුතු කරමින් සිටී.

එමෙන්ම විභාග සහතික පත් සඳහාද එළැඹෙන සඳුදා සිට මාර්ගගතව අයදුම් කිරීමේ පහසුකම සපයා ඇති බව විභාග දෙපාර්තමේන්තුව තවදුරටත් දන්වා සිටී.

රෝහල් ඉදිකිරීම්වල දීර්ඝ ප්‍රමාදයන් හේතුවෙන් මතුවන බරපතල ගැටළු පිළිබඳ දැඩි කනගාටුවක් පළ කරමින් සෞඛ්‍ය හා ජනමාධ්‍ය අමාත්‍ය වෛද්‍ය නලින්ද ජයතිස්ස මහතා පැවසීය. ඔහු සඳහන් කළේ සමහර රාජ්‍ය ආයතනවලින් හේතුන් මත වැඩ අතරමඟ නවතින අතර ඒ නිසා මුල් ඇස්තමේන්තුවට වඩා 50-60%ක වියදම් වර්ධනයක් සිදුවෙන බවයි.

මෙම අදහස් පළ කළේ, මහරගම අපේක්ෂා රෝහලේ ළමා වාට්ටු සංකීර්ණය සඳහා මුල්ගල තැබීමේ උත්සවයේදීය. රුපියල් මිලියන 600ක ව්‍යාපෘතියක් වන මෙම සංකීර්ණය, ඉන්ද්‍රා ට්‍රේඩර්ස් සමූහ ව්‍යාපාරයේ සම්පූර්ණ මූල්‍ය ආධාරය මත ඉදිකෙරේ. ඉදිකිරීම් ශ්‍රී ලංකා ගුවන් හමුදාවේ ශ්‍රම දායකත්වයෙන් ක්‍රියාත්මක වන අතර වර්ෂයක් ඇතුළත නිමකිරීමේ අපේක්ෂාව ඇත.

මෙම සංකීර්ණයේ අංග:

• පස් මහල් ගොඩනැගිල්ලක්
• ඇඳන් 80ක් සහිත ළමා වාට්ටු 2ක්
• ළමා දැඩි සත්කාර ඒකකය
• ළමා රසායනික ප්‍රතිකාර ඒකකය

පිළිකා ප්‍රතිකාර සඳහා නව තාක්ෂණ

අමාත්‍යවරයා පවසන්නේ, ශ්‍රී ලංකාවේ වාර්ෂිකව වාර්තා වන පිළිකා රෝගීන් 33,000 ක් අතරින් 35%කට, එනම් 11,000 දෙනෙකුට මහරගම අපේක්ෂා රෝහලෙන් ප්‍රතිකාර සපයන බවය. ඒ සඳහා නව Linear Accelerator යන්ත්‍ර 5ක් සහ ආසියානු සංවර්ධන බැංකුවෙන් තවත් 2ක් මෙරටට ලැබෙන බවත් ඔහු පැවසීය.

ආහාර සපයීමේ ක්‍රමවේදයද නවීකරණය කරමින්, රෝගීන්ට නිශ්චිත ආහාර වට්ටෝරුවක් ලබාදිය යුතු බවත් ඒ සඳහා පෝෂණ විශේෂඥ වෛද්‍යවරුන්ගේ සහයෝගය යොදා ගන්නා බවත් ඔහු සඳහන් කළේය.

ඉදිකිරීම්වල ප්‍රමාදය සම්බන්ධයෙන්

අමාත්‍යවරයා අවධාරණය කළේ, භාණ්ඩාගාරය මගින් මුදල් නිකුත් කිරීමෙන් පසු යෝජිත කාලය තුළ ඉදිකිරීම් සම්පූර්ණ කිරීම වැදගත් බවයි. එසේ නොවන්නේ නම් වියදම් ඉහළ යන අතර, රජය නව ව්‍යාපෘති ආරම්භයේදී ඒවා අවසන් වීමට නියමිත දිනය ජනතාවට දැනුම් දීමේ ක්‍රමයක්ද හඳුන්වාදෙන්නට බලාපොරොත්තු වේ.

මෙම උත්සවයට:

• ආගමික නායකයින්
• ඉන්ද්‍රා ට්‍රේඩර්ස් කළමනාකාර අධ්‍යක්ෂ
• ශ්‍රී ලංකා ගුවන් හමුදාපති
• අපේක්ෂා රෝහලේ වෛද්‍යවරුන් සහ නිලධාරීන්
• ජනාධිපති උපදේශකවරුන්
  ඇතුළු විශාල පිරිසක් සහභාගි විය.

මෙම ව්‍යාපෘතිය, රෝගීන්ට වඩාත් ගුණාත්මක සහ වේගවත් ප්‍රතිකාර පද්ධතියක් ලබාදීමට නව මඟ පෙන්වන්නකි.

ශ්‍රී ලංකාව නියෝජනය කරමින්, යුනෙස්කෝ ලෝකයේ මතකය පිළිබඳ අන්තර්ජාතික ලැයිස්තුවට පානදුරාවාදයට අයත් පැරණි ලේඛන හා ගාල්ල දිස්ත්‍රික්කයෙන් සොයාගත් ත්‍රෛභාෂා සෙල්ලිපිය ඇතුළත් කිරීමට කටයුතු කරන බව බුද්ධ ශාසන, ආගමික හා සංස්කෘතික කටයුතු අමාත්‍ය හිනිදුම සුනිල් සෙනෙවිරත්න මහතා සඳහන් කළාය.

අද (3) රජයේ ප්‍රවෘත්ති දෙපාර්තමේන්තුවේ පැවති විශේෂ මාධ්‍ය සාකච්ඡාවකට එක්වෙමින් ඔහු මේ බව පැවසීය. බෞද්ධාලෝක පදනම හා පුස්තකාල හා ප්‍රලේඛන සේවා මණ්ඩලය එක්ව මෙම ලේඛන සුරැකීම සඳහා මෙහෙයවීමේ දායකත්වය ලබා දී ඇති බවද ඔහු සඳහන් කළාය.

දමිළ, චීන හා පර්සියන් භාෂාවන්ගෙන් ලියවුණු ලෝකයේ එකම සෙල්ලිපිය මෙය බවද ඔහු තවදුරටත් පැවසීය.

සීගිරිය සංචාරක ආකර්ෂණයක් වී ඇති අතර, එය වර්ධනය කරමින් 2025 වසරේදී සංචාරකයින් ලක්ෂ 18ක් ගෙන්වා ගැනීමට බලාපොරොත්තු වන බවත්, සනීපාරක්ෂාව හා පහසුකම් වර්ධනය කිරීමට වැඩපිළිවෙළක් ක්‍රියාත්මක කරන බවත් ඔහු පවසයි.

එසේම, රිටිගල සහ යාපහුවද විකල්ප සංචාරක ස්ථාන ලෙස සංවර්ධනය කිරීමේ අරමුණ ඇති බව අමාත්‍යවරයා අවධාරණය කළාය.