ඉන්දියාවේ තොරතුරු තාක්ෂණ අමාත්‍යාංශය නිකුත් කළ නවතම වාර්තාවක් අනුව 2026 වසර වන විට කෘත්‍රිම බුද්ධිය (AI) සම්බන්ධ වෘත්තිකයන් මිලියනයක අවශ්‍යතාවක් ඉන්දියාවේ පවතිනු ඇතැයි ඇස්තමේන්තු කර තිබේ.

ඒ අනුව, AI ක්ෂේත්‍රය තුළ ඇතිවෙන දැවැන්ත ඉල්ලුම සැලකිල්ලට ගනිමින් ඉන්දියාව මේ වනවිටම සූදානමින් සිටින බව ඉන්දීය මාධ්‍ය වාර්තා කරයි.

2047 වසර වන විට ඩොලර් ට්‍රිලියන 23-35 අතර ආර්ථිකයක් බවට පත්වීමට ඉන්දියාව අපේක්ෂා කරන අතර, එවැනි ආර්ථික පරිණාමයක් සඳහා කෘත්‍රිම බුද්ධිය, ස්වයංක්‍රීයකරණය සහ අන්තර් විනය නවෝත්පාදන යන අංශ මත පදනම් වූ උසස් අධ්‍යාපනයක් මගින් හැඩගැස්වූ දක්ෂකම් ඇති කම්කරු බලය බිහිකිරීම අත්‍යවශ්‍ය වන බවද වාර්තාවේ සඳහන් වේ.

මෙවැනි දියුණුවකට මූලික දායකත්වය ලබාදෙන්නේ ඉන්දියාවේ ඉංජිනේරු අධ්‍යාපන ක්ෂේත්‍රය බවද වාර්තාවේ වැඩිදුරටත් අවධාරණය කර ඇත.

යුක්‍රේනය පවසන්නේ, රුසියානු භූමිය වෙත එල්ල කළ දැවැන්ත ඩ්‍රෝන ප්‍රහාරයක් හේතුවෙන් රුසියාවට අයත් 40ක් පමණ ගුවන්යානා හානි වී ඇති බවයි.

එම ප්‍රහාරය සඳහා ඩ්‍රෝන 472ක්, බැලැස්ටික් මිසයිල 7ක් සහ කෘස් මිසයිල යොදාගත් බවත්, එය සයිබීරියානු කලාපයට එල්ල වූ බවත් වාර්තා වේ.

යුක්‍රේනය සඳහන් කළේ, මර්මන්ස්ක් සහ ඉර්කුට්ස් කලාපය වෙත මෙම ප්‍රහාරය එල්ල වී තිබෙනවාට, එවක් රුසියානු මාධ්‍ය සඳහන් කළේ ගුවන්යානා හානි වීමක් සිදු නොවුණි.

ඉතිරි වාර්තා පවසා සිටියේ, රුසියානු ගුවන් ආරක්ෂණ පද්ධතිය එම ප්‍රහාරය ආරක්‍ෂා කිරීමට සාර්ථකව ක්‍රියාත්මක වුවද ඒකාබද්ධ තොරතුරු තවමත් ලබා දී නැත.

ප්‍රංශයේ පැරිස් නගරයේදී පාපන්දු ප්‍රේක්ෂකයින් අතර ඇතිවූ ගැටුමක් හේතුවෙන් පුද්ගලයින් 559 දෙනෙකු අත්අඩංගුවට ගෙන තිබේ.

විදෙස් මාධ්‍ය වාර්තා කරන ආකාරයට, ජර්මනියේ පැවැත්වූ යුරෝපා චැම්පියන්ස් ලීග් අවසන් මහ තරඟය නරඹමින් සිටි ප්‍රංශ ප්‍රේක්ෂකයන් අතර මෙම ගැටුම උත්සන්න වී ඇත.

මෙම තරඟයෙන් ප්‍රංශයේ පැරිස් සෙන් ජර්මෙයි (ඵ්Sඝ්) කණ්ඩායම ඉතිහාසයේ පළමු වරට යුරෝපා ශූරතාව දිනා ගත්තේ ය.

මෙය සැමරීමට පැරිස් නගරයට විශාල පිරිසක් එක්වී ඇති අතර, එහිදී ඇතිවූ ගැටුමකින් පුද්ගලයින් දෙදෙනෙකු මියගොස් ඇත.

තවද, 190කට අධික පිරිසක් තුවාල ලබා ඇති අතර, ඔවුන් අතර පොලිස් නිලධාරීන් 9 දෙනකුද සිටිති.

කලහකාරී ලෙස හැසිරුණු පිරිසක් විසින් වෙළෙඳසැල් කිහිපයක්, බස් නැවතුම්පොළක් හා මෝටර් රථයක්ද විනාශ කර ඇති බව විදෙස් මාධ්‍ය වාර්තා කරයි.