ඉරානයේ බන්ඩාර් අබ්බාස් ප්‍රදේශයේ පිහිටි ෂාහීන් රාජී වරායේ සිදුවූ දැඩි පිපිරීමෙන් මේ වන විට පුද්ගලයින් 14 දෙනෙකු ජීවිතක්ෂයට පත්ව ඇති බව විදෙස් මාධ්‍ය වාර්තා කරයි.

මෙම අනතුරින් තවත් පුද්ගලයින් 750කට ආසන්න සංඛ්‍යාවක් තුවාල ලබා රෝහල්ගත කර ඇති අතර, වරායේ පිපිරීමේ සද්දය කිලෝමීටර් 50ක් දක්වා දුරකට දැනී ඇත. වාර්තා අනුව, මෙයට පෙර වරායේ ගින්නක් ත්‍රිව්‍ර වර්ධනය වී, පසුව විශාල පිපිරීමකට හේතු වී ඇත.

ෂාහිඩ් රාජී වරාය ඉරානයේ විශාලතම හා වඩාත්ම සංවර්ධිත වරාය වන අතර, රටේ වාණිජ නැව් ගමනාගමනයේ වැඩිම කොටස මෙහිදී සිදුවේ.

මෙම අනතුර සම්බන්ධයෙන් විමර්ෂන කටයුතු හා ආරක්ෂක පියවර මොනවාද යන්න පිළිබඳව මෙතෙක් නිළ වශයෙන් ප්‍රකාශයක් නිකුත් කර නැත.

පාකිස්තාන සුපර් ලීගය (PSL) සම්බන්ධයෙන් ඉන්දියාව තවත් දැඩි තීරණයක් ගෙන ඇති අතර, මේ දිනවල ක්‍රියාත්මක PSL තරගාවලියේ ඉතිරි තරග සියල්ල ඉන්දියාව තුළ විකාශය අත්හිටුවා තිබේ.

කාශ්මීරයේදී සංචාරකයින් ඉලක්ක කරමින් සිදු වූ ත්‍රස්ත ප්‍රහාරයකට පාකිස්තානයට ඍජුව චෝදනා කරමින්, ඉන්දියාව මේ වනවිට විවිධ ක්‍රියාමාර්ග රැසක් අරඹා ඇති අතර, ඵ්Sළ් විකාශය නවතා දැමීමද එම ක්‍රියාමාර්ගවලින් එකකි.

පාකිස්තානයේ ප්‍රමුඛතම විස්සයි20 තරගාවලියක් වන PSL හි මෙතෙක් පැවැත්වුණු සියලු තරග ඉන්දියාව තුළ විකාශය කර තිබුණද, පසුගිය (22)දා කාශ්මීරයේ පහල්ගම් ප්‍රදේශයේදී සිදු වූ ත්‍රස්ත ප්‍රහාරයත් සමග මෙම තීරණය ගෙන ඇත.

එම ප්‍රහාරයෙන් ඉන්දියානුවන් 26 දෙනෙකු මියගොස් තවත් 10 දෙනෙකු තුවාල ලබා ඇති අතර, මෙය පාකිස්තානයේ අනුදැනුම යටතේ සිදු වූවක් බවට ඉන්දියාව දැඩි චෝදනා කරයි.

වහාම ක්‍රියාත්මක වන පරිදි පකිස්තාන ජාතිකයින්ට වීසා නිකුත් කිරීම ඉන්දියාව අත්හිටුවා ඇති අතර, එරට සිටින සියලු පකිස්තාන ජාතිකයින් පැය 48 ක් ඇතුළත ඉන්දියාවෙන් පිටවිය යුතු බව ඉන්දියාවේ විදේශ කටයුතු අමාත්‍යංශය නිවේදනය කරයි.

වෛද්‍ය හේතු මත වීසා ලබාගත් අය සඳහා පැය 72ක කාලයක් ලබාදී ඇති අතර, සියලු ඉන්දියානුවන්ට පකිස්තානයෙන් හැකි ඉක්මනින් පිටවීමට උපදෙස්ද නිකුත් කර තිබේ. එමෙන්ම පකිස්තානයේ සංචාරය කිරීමෙන් වළකින ලෙසද ඉන්දියානු පුරවැසියන්ට දැනුම් දී ඇත.

ජම්මු කාශ්මීර ප්‍රදේශයේ පසුගිය අඟහරුවාදා සිදු වූ ත්‍රස්ත ප්‍රහාරය සම්බන්ධයෙන්, 26 දෙනෙකු මියගොස් 17 දෙනෙකු තුවාල ලබා ඇති අතර, මෙම ප්‍රහාරයට සම්බන්ධ සියලු ත්‍රස්තවාදීන්ට සහ ඔවුන්ට සහය දුන් අයෙකුට දැඩි දඬුවම් ලබාදෙන බව ඉන්දියානු අග්‍රාමාත්‍ය නරේන්ද්‍ර මෝදි අවධාරණය කරයි.

මෙයට ප්‍රතිචාර දැක්වූ පකිස්තානය, ඇතැම් ඉන්දියානුවන්ට නිකුත් කළ වීසා අවලංගු කරන බවත්, ඉන්දියාව සමඟ සිදුකරන සියලු වෙළෙඳ කටයුතු අත්හිටුවන බවත් නිවේදනය කර ඇත.

එමෙන්ම ඉන්දීය හිමිකාරිත්වයට අයත් හා ඉන්දීය පාලනය යටතේ පවතින ගුවන් යානා සඳහා පකිස්තානයේ ගුවන් අවකාශය වසා දමන බවද එරට අග්‍රාමාත්‍ය කාර්යාලය පවසා තිබේ.