Forbes සඟරාව විසින් පළකළ ආසියාවේ අවුරුදු 30න් පහළ විශිෂ්ඨයන් 30 දෙනාගේ ලැයිස්තුවට ශ්‍රී ලාංකිකයන් තිදෙනෙකුගේ නම් ඇතුළත් වී ඇති බව වාර්තා වේ.

මෙම ලැයිස්තුවට ඇතුළත් වූයේ ‘Wild Cookbook’ යූටියුබ් නාලිකාවෙන් ලෝක ව්‍යාප්ත ජනප්‍රියත්වයක් හිමි කරගත් සූපවේදියෙකු වන චරිත් එන්. සිල්වා, තෑගි වෙන් කිරීම සඳහා වූ පළමු ලාංකික ඩිජිටල් වේදිකාව වූ Silver Aisle හි නිර්මාතෘ, යානිකා අමරසේකර සහ Synapse AI Labs ආයතනයේ නිර්මාතෘ දත්ත විද්‍යාඥ නිකින් මාතරආරච්චි යන පුද්ගලයින්ය.

චරිත් සිල්වා පසුගිය මාර්තු 28 වනදා Wild Cookbook නාලිකාව හරහා මිලියන 10 ක ග්‍රාහකයන් පසුකරමින් ශ්‍රී ලංකාවේ පළමු Diamond Play Button හිමිකරු බවට පත්විය. ඔහු විසින් නාලිකාව 2020 වසරේ ආරම්භ කර ඇති අතර, මේ දක්වා වීඩියෝ 600කට අධික සංඛ්‍යාවක් නිර්මාණය කර ඇති අතර, නැරඹුම් ගණන බිලියන 4 ඉක්මවා ගොස් ඇත. ඔහුගේ සුවිශේෂී ඉවුම් පිහුම් ක්‍රම හා ඉදිරිපත් කිරීමේ විලාසිතාව ඔහුගේ ජනප්‍රියත්වයට ප්‍රධාන හේතුවක් වී ඇත.

යානිකා අමරසේකර මෙම ලැයිස්තුවට Retail & Ecommerce කාණ්ඩයෙන් ඇතුළත් වී ඇති අතර, ඇය ආරම්භ කළ Silver Aisle යනු ශ්‍රී ලංකාවේ විවාහ උත්සව සඳහා තෑගි වෙන් කිරීම සඳහා වූ පළමු ඩිජිටල් වේදිකාවයි. එය 2019 දී ආරම්භ වී ඇති අතර, අද වනවිට විවාහ, නිවාඩු, භෝජන, අශ්වයාන, මැටි භාණ්ඩ ඇතුළු විවිධ අවස්ථාවන්ට සේවාවන් සපයන විශාල ව්‍යාපෘතියක් වී ඇත. ඇය ලන්ඩනයේ Imperial College, UC Berkeley සහ කැලණිය විශ්වවිද්‍යාලයෙන් උපාධි කිහිපයක් හිමිකරගෙන ඇත.

දත්ත විද්‍යාඥ නිකින් මාතරආරච්චි සමාජ මාධ්‍ය, අලෙවිකරණ සහ සන්නාම ප්‍රවර්ධන කාණ්ඩය යටතේ මෙම ලැයිස්තුවට ඇතුළත් වී ඇත. ඔහු විසින් පිහිටවූ Synapse AI Labs ආයතනය AI හා අලෙවිකරණ තාක්ෂණය යටතේ නවෝත්පාදන කරමින් ශ්‍රී ලංකාවට ලෝක වේදිකාවේ ගෞරවයක් ලබාදී ඇත. නිකින් මේ වනවිට මොනෑෂ් විශ්වවිද්‍යාලයේ කෘතිම බුද්ධිය පිළිබඳ පශ්චාත් උපාධිය සම්පූර්ණ කරමින් සිටී.

සිකුරු, සෙනසුරු සහ චන්ද්‍රයා ඉතා සමීපව දිස්වන අති දුර්ලභ ත්‍රිත්ව සංයෝගයක් හෙට (අප්‍රේල් 25) උදෑසන අහසේ දැකබලා ගැනීමේ අනර්ඝ අවස්ථාවක් ශ්‍රී ලංකාවේ ජනතාවට හිමිව තිබේ.

කොළඹ විශ්වවිද්‍යාලයේ භෞතික විද්‍යා අංශයේ ජ්‍යෙෂ්ඨ කථිකාචාර්ය ආචාර්ය ජනක අඩස්සූරිය මහතා පැවසුවේ, මෙම දර්ශනය නැගෙනහිර අහසේ, අලුයම් කාලයේදී පියවි ඇසින් දැකිය හැකි බවය.

මෙය අති විශේෂ තත්ත්වයකි බවත්, අහස පැහැදිලි වුවහොත් ශ්‍රී ලාංකිකයින්ට එය පැහැදිලිව නිරීක්ෂණය කළ හැකි බවත් ඔහු තවදුරටත් අවධාරණය කළේය.

ෂෙනුක් විජේසිංහ මහතා විසින් සෞන්දරී ඩේවිඩ් රොඩ්‍රිගෝ සහ නෙරංජන් ද සිල්වා යන මහත්ම මහත්මීන් සමඟ එක්ව ඉදිරිපත් කළ ‘My Tribute’ ප්‍රසංගය නැරඹීමට ජනාධිපති රනිල් වික්‍රමසිංහ මහතා සහ මහාචාර්ය මෛත්‍රී වික්‍රමසිංහ මහත්මිය ඊයේ (19) පස්වරුවේ එක් වූහ.
කොළඹ ලයනල් වෙන්ඩ්ට් රඟහලේ දී පැවැත්වුණ ‘My Tribute’ ප්‍රසංගය සඳහා ක්‍රිස්ටෝ ප්‍රින්ස් මහතා ඩ්‍රම්ස් වාදනයෙන් ද ,නදිනි ඔලෙගසෙග්‍රෙම් මහත්මිය සහ හේමාල් කුරුවිටාරච්චි මහතා ආරාධිත ශිල්පීන් ලෙසද සහභාගි වූ අතර සෝල් සවුන්ඩ්ස් ඇකඩමියෙහි ගායනා කණ්ඩායමේ සහාය ගායනයෙන් මෙම ප්‍රසංගය රසවත් විය.
ෂෙනුක් විජේසිංහ මහතා වත්තල ලයිසියම් ජාත්‍යන්තර පාසලෙන් සිය මූලික අධ්‍යාපනය ලබා ඇති අතර ලන්ඩනයේ ස්ටැෆර්ඩ්ෂයර් විශ්වවිද්‍යාලයේ ජාත්‍යන්තර ව්‍යාපාර කළමනාකරණය පිළිබඳ උපාධිධාරියෙකු ද වේ. කුඩා අවදියේදීම පියානෝ වාදන පුහුණුව ආරම්භ කළ ඔහු වයස අවුරුදු 5දී ගායන පුහුණුව ආරම්භ කර ඇති අතර සෞන්දරී ඩේවිඩ් රොද්‍රිගෝ මහත්මිය සහ චි හෝ මැක් මහතා යටතේ ලන්ඩනයේ ගායනය පිළිබඳ රාජකීය පාසලෙන් අධ්‍යාපනය හදාරා ඇත.
ෂෙනුක් විජේසිංහ මහතා ගායනය, වාදනය සහ රංගනය යන ක්ෂේත්‍රයන්හි විවිධ දස්කම් දක්වා ඇති අතර දේශිය මෙන්ම ජාත්‍යන්තර වශයෙන්ද ඇගයීම් රැසකට පාත්‍ර වී ඇත.
දෙස් විදෙස් රසිකයින් රැසක් මෙම ප්‍රසංගය නැරඹීමට එක්ව සිටියහ.