එළැඹෙන මැයි මාසයේ සිට WhatsApp සමාජ මාධ්‍ය යෙදුම Apple සමාගමේ පැරණි ජංගම දුරකථන කිහිපයක් සඳහා තවදුරටත් ක්‍රියා නොකරන බව වාර්තා වේ.

මෙම පියවර යටතේ iPhone 5s, iPhone 6 සහ iPhone 6 Plus ආදිය සඳහා WhatsApp භාවිතය අවසන් වන අතර, මෙම උපාංග iOS 15.1 හෝ ඊට අධික යාවත්කාලීන පද්ධතියක් ලබාදිය නොහැකි බැවින් එම තීරණය ගෙන ඇත.

එමනිසා මෙම පද්ධතියට යාවත්කාලීන කළ නොහැකි iPhone භාවිතාකරුවන්ට WhatsApp භාවිතය අත්හිටුවීමට සිදුවනු ඇත.

යුරෝපා සංගමය, ඇපල් සමාගමට සහ ෆේස්බුක් මව් සමාගම වන මෙටා සමාගමට දැඩි දඩ මුදල් පනවා තිබේ.

ඒ අනුව, ඇපල් සමාගමට ඇමරිකානු ඩොලර් මිලියන 570ක්ත්, මෙටා සමාගමට ඩොලර් මිලියන 228ක්ත් වශයෙන් දඩ පනවා ඇති බව විදෙස් වාර්තා සඳහන් කරයි.

මෙම දඩ පනවා ඇත්තේ, මෙම සමාගම් යුරෝපා සංගමයේ ඩිජිටල් වෙළෙඳපොළ පනත යටතේ තිබෙන නීති කඩකළේයැයි පවසා ඇති චෝදනා මතය.

අදාළ විමර්ශනය වසරක පමණ කාලයක් පැවැති අතර, එහි අවසන් වාර්තාව මත මෙම තීරණය ගත් බවද වාර්තා පෙන්වා දෙයි.

ටොයෝටා සමාගම සිය ඉලෙක්ට්‍රික් වාහනවල තවදුරටත් දියුණු කිරීමට පියවර ගෙන තිබේ.

ඔවුන්ගේ ඉලෙක්ට්‍රික් වාහනවල නිෂ්පාදන වියදම අඩු කිරීමටත්, එම වාහන සඳහා වැඩිදියුණු කළ බැටරි හඳුන්වා දීමට හා ක්‍රියාකාරීත්වය තවදුරටත් දියුණු කිරීමටත් අපේක්ෂා කරන බව ටොයෝටා සමාගම පැවසීය.

මේ වනවිට ඉලෙක්ට්‍රික් වාහන සඳහා ලොව දැඩි තරගයක් ඇති අතර ටොයෝටා සමාගම උත්සාහ දරන්නේ එම තරගයට එක්වීමට බව විචාරකයෝ පවසති.

ලොව විද්‍යුත් වාහන වෙළෙඳපොළේ ඉදිරියෙන්ම සිටින්නේ ටෙස්ලා සමාගමයි.