ජාතික පොලිස් කොමිෂන් සභාවේ අනුමැතිය අනුව, රාජ්‍ය සේවා කොමිෂන් සභා රීති 258 ඓඓ යටතේ වැඩබලන පොලිස්පති නීතිඥ ප්‍රියන්ත වීරසූරිය මහතා විසින් පොලිස් මාධ්‍ය කොට්ඨාසයේ අධ්‍යක්ෂ සහ මාධ්‍ය ප්‍රකාශක ලෙස පොලිස් මාධ්‍ය කොට්ඨාසයේ නියෝජ්‍ය අධ්‍යක්ෂ ලෙස කටයුතු කළ සහකාර පොලිස් අධිකාරී එෆ්.යු. වුට්ලර් මහතා පත් කර ඇත.

2024 දෙසැම්බර් 16 සිට මේ දක්වා පොලිස් මාධ්‍ය ප්‍රකාශක සහ අධ්‍යක්ෂ ලෙස කටයුතු කළ ජ්‍යෙෂ්ඨ පොලිස් අධිකාරී කේ.බී. මනතුංග මහතා නම්, නවතම පත්කිරීමක් යටතේ පොලොන්නරුව කොට්ඨාස භාර නිලධාරී ලෙස යළි පත් කර ඇත.

“සෑම පුරවැසියකුටම තම භාෂාවෙන් මූලික අවශ්‍යතා ඉටුකර ගැනීමේ හැකියාව සලසාදීම රජයේ වගකීමක්” බව අධිකරණ හා ජාතික ඒකාබද්ධතා අමාත්‍යාංශයේ නියෝජ්‍ය අමාත්‍ය මුනීර් මුලෆ්ෆර් මහතා ප්‍රකාශ කළාය.

ඔහු මෙම අදහස පළ කළේ අද (30) රජයේ ප්‍රවෘත්ති දෙපාර්තමේන්තුවේ පැවති මාධ්‍ය හමුවකට එක්වෙමින්ය. එය රාජ්‍ය භාෂා දිනය සහ එයට අදාළ වැඩසටහන් පිළිබඳව මාධ්‍යවේදීන් දැනුවත් කිරීමේ උත්සවයකි.

ජූලි 01 සිට 07 දක්වා රාජ්‍ය භාෂා සතියක් ප්‍රකාශයට පත්කර ඇති අතර, එය මුලතිව් දිස්ත්‍රික්කය මූලික කරගෙන ක්‍රියාත්මක කෙරෙන බවත්, ජාතික සමගිය පදනම් කර ගනිමින් රට ඉදිරියට ගෙන යාමට රජය කටයුතු කරන බවත් නියෝජ්‍ය අමාත්‍යවරයා වැඩිදුරටත් සදහන් කළේය.

රාජ්‍ය භාෂා දිනයට සමගාමීව ජූලි 1 සිට 5 දක්වා රාජ්‍ය භාෂා සතියක් ප්‍රකාශයට පත් කිරීමට රජය තීරණය කර තිබේ.

අධිකරණ හා ජාතික ඒකාබද්ධතා අමාත්‍යාංශයේ නියෝජ්‍ය අමාත්‍ය මුනීර් මුලෆ්ෆර් මහතා මේ බව සඳහන් කළේ අද (30) රජයේ ප්‍රවෘත්ති දෙපාර්තමේන්තුවේ පැවති මාධ්‍ය සාකච්ඡාවකට එක්වෙමින්ය.

ඔහු පැවසුවේ, සෑම පුරවැසියෙකුටම තම භාෂාවෙන් රාජ්‍ය සේවාවන් භාවිත කළ හැකි පරිසරයක් උදා කිරීම සඳහා රජය විවිධ වැඩසටහන් ක්‍රියාත්මක කරමින් පවතින බවයි.

2019 ජුනි 12 සිට ක්‍රියාත්මක වන රාජ්‍ය භාෂා චක්‍රලේඛය අනුව විවිධ ක්ෂේත්‍රවල භාෂා සමානාත්මතාව ඇති කිරීමේ කටයුතු සිදුකරන බවද ඔහු සඳහන් කළේය.

මෙම සතිය සදහා විශේෂ වැඩසටහන් ක්‍රියාත්මක වන්නේ වව්නියාව දිස්ත්‍රික්කය කේන්ද්‍ර කරගනිමින් බවද නියෝජ්‍ය අමාත්‍යවරයා අවධාරණය කළේය.