අමෙරිකාවේ මිචිගන් ප්‍රාන්තයේ පිහිටි සුපිරි වෙළෙඳසැලක් තුළ සිදුකළ පිහි ඇණුමකින් පුද්ගලයින් 11 දෙනෙකු තුවාල ලබා ඇතැයි විදෙස් මාධ්‍ය වාර්තා කරයි.

තුවාල ලැබූවන්ගෙන් තිදෙනෙකු සැත්කම්වලට භාජනය කර ඇති අතර, පිරිමි පුද්ගලයින් හයදෙනෙකු සහ කාන්තාවන් පස්දෙනෙකු මෙහි අයත් බවද වාර්තා වේ.

සිද්ධිය සම්බන්ධයෙන් 42 හැවිරිදි මිචිගන් පදිංචිකරුවෙක් අත්අඩංගුවට ගෙන ඇති අතර, සැකකරුගේ අනන්‍යතාවය මෙතෙක් මහජනතාවට හෙළි කර නොමැත.

මෙය ත්‍රස්තවාදී ක්‍රියාවක් නොවන බවට බලධාරීන් සදහන් කර සිටිති.

ඊලොන් මස්ක්ගේ ටෙස්ලා සමාගම විසින් විද්‍යුත් මෝටර් රථ ඉන්දියාවේ නිල වශයෙන් නිකුත් කිරීම ඊයේ (15) මුම්බායිහිදී සිදු විය.

මෙයට සමගාමීව ටෙස්ලා Y මොඩලය රුපියල් මිලියන 6ක් සිට ආරම්භ වන මිලකට හඳුන්වාදී ඇති අතර, තවමත් තීරුබදු සහනිසි එකඟතාවයක් නොමැතිව මෙරටට ආනයනය කෙරේ.

චීනයෙන් ගෙන්වූ මෝටර් රථ දෙකක් සහ සුපර් චාජරයක් සමඟ මුම්බායි ප්‍රදර්ශනාගාරය විවෘත කර ඇති අතර, වාහන අලෙවිය මේ කාර්තුවේ ආරම්භ වීමට නියමිතය.

විද්‍යුත් වාහන අලෙවිය පහළ යාමට මුහුණ දී සිටින ටෙස්ලා සමාගමට ඉන්දියාවේ වෙළඳපොළට පිවිසීම වැදගත් මංසන්ධියක් වී ඇත.

සිරියාවේ ස්වයිඩා ඩෲස් නගරයේදී සටන් විරාමයක් ප්‍රකාශයට පත් කළ පැය කිහිපයකින් පසුව, සිරියානු රජයේ හමුදාව සහ ප්‍රාදේශීය සටන්කරුවන් අතර ගැටුම් යළි ආරම්භ වී තිබේ.

ඒ අනුව නගරය සහ ආශ්‍රිත ගම්මාන අලුයම වන විට තද වර්ෂාවක් මෙන් කාලතුවක්කු සහ මෝටාර් ප්‍රහාරවලට ලක්වූ අතර, එහි ඉලක්කය වූයේ සිරියානු හමුදා රථ පෙළක් බව වාර්තා වේ.

සටන් විරාමය කඩ කිරීම සම්බන්ධයෙන් ස්වයිඩා කණ්ඩායම්වලට ආරක්ෂක අමාත්‍යාංශය වගකිවයුතුකම පවරයි.