මොරගහකන්ද ජලාශය ආශ්‍රිතව පවත්වාගෙන ගිය විශේෂ පොලිස් මෙහෙයුමකදී, ගුවන් යානා නාශක අවි උණ්ඩ දෙකක් ඇතුළු උණ්ඩ 1,163ක් සොයා ගෙන ඇත.
පොලිසිය සඳහන් කළේ, සොයා ගත් උණ්ඩ අතර—
- T-56 ගිනි අවි උණ්ඩ 895ක්,
- මිලිමීටර් 71 උණ්ඩ 116ක්,
- මිලිමීටර් 41 උණ්ඩ 10ක්,
- මිලිමීටර් 78 උණ්ඩ 2ක්,
- මිලිමීටර් 84.5 උණ්ඩ 4ක්,
- සහ GMPG උණ්ඩ 134ක් අඩංගු වන බවයි.
අද (13) පැවති මෙහෙයුමේදී ගුවන් යානා නාශක අවි උණ්ඩ 2ක් ද සොයාගත් බව පොලීසිය තවදුරටත් පවසයි.
පොලිසිය කියාසිටින ආකාරය අනුව, මෙම උණ්ඩ තොගය කාගේ විසින් ජලාශය අසල සඟවා තැබුණේ ද යන්න සම්බන්ධයෙන් විමර්ශන ද මේ වන විට ආරම්භ කර තිබේ.
ඒ සමඟම මොරගහකන්ද ජලාශයේ නැරඹුම් මධ්‍යස්ථානය අසලද අද දිනයේ දී විශේෂ මෙහෙයුම් ක්‍රියාත්මක කරනු ඇතැයි පොලීසිය සඳහන් කළේය.
