තමන්ට එරෙහිව ශ්‍රී ලංකා පොදුජන පෙරමුණ තුළ විනය පරීක්ෂණයක් සිදුනොකරන බව පක්ෂ නායකත්වය තහවුරු කළ බව පාර්ලිමේන්තු මන්ත්‍රී ජගත් කුමාර මහතා පවසයි.

අමාත්‍ය සරත් වීරසේකර මහතා කර තිබූ ප්‍රකාශයකට පිළිතුරු ලබාදෙමින් මන්ත්‍රීවරයා අද (20) මේ බව සඳහන් කළේය.

වැඩිදුරටත් අදහස් දැක්වු ජගත් කුමාර මහතා,

පාදුක්ක සංවර්ධන කමිටුවේ සභාපති කමෙන් ඉවත් වුණාට එක් එක් පුද්ගලයන් විවිධ කතා කියනවා . පාදුක්කට මාව පත්කලේ ජනාධිපතිතුමා එම ප්‍රදේශය ප්‍රදේශයේ සංවර්ධන කටයුතු කරන්න ,අපේ අයට පහරදීමක් සිදුවුණත් අපි අපේ ගෞරවය රැකගෙන සිටියා පොලිසිය ප්‍රශ්නය සාධාරණ විසඳීමට කටයුතු කළා , ගාමිණී ලොකුගේ එම ප්‍රශ්න ඇති කරපු අයගේ කටඋත්තර ගැනීම වළකා සිටියා , මට පාදුක්ක ජනතාවට තිබෙන ප්‍රශ්න විසඳීමට බැරිනම් සංවර්ධන කමිටු සභාපති කම දරලා වැඩක් නෑ . මම එම දෙනාට මෙම මස 27 වැනිදා දක්වා කල් දී තිබෙනවා මෙම ගැටළුව විසඳා දෙන කියලා , මේ රටේ මිනිසුන්ගේ ප්‍රශ්නෙට මුහුණ දෙන්න බැරි නම් ජනතාවගේ ප්‍රශ්න ඇහුම්කන් දෙන්න නැත්නම් මෙම සංවිධායක කමින් ඉවත් විය යුතුයි . සරත් වීරසේකර මහතාට මම චෝදනා කළේ නෑ ජනාධිපතිතුමාටත් බැසිල් රාජපක්ෂ මහතාටත් මම කිව්වා ස්වාධීන කෙනෙක් පාදුක්ක පොලීසියට දාන්න කියලා . දිගින් දිගටම සරත් වීරසේකර මහතා මට චෝදනා කරනවා බොරු කියනවා නම් මම ඇත්ත ඒ කරනවා . සරත් වීරසේකර මහතාට උවමනා විදිහට විනය පරීක්ෂණ කරන්න එපා කියලා මම ඉල්ලා සිටිනවා . මට විරුද්ධව විනය පරීක්ෂණයක් පක්ෂයෙන් අවශ්‍ය නෑ කියලා කියනවා . විනය පරීක්ෂණ වලට බය නම් අපි ආණ්ඩු හදන්නේ නෑ . දැන් ඔය කියන ඇමතිවරු ඒ දවස්වල හිටියේ නෑ එතුමාලා හිටියෙ නැත්තෙ එතුමා ලගෙ දූෂිත වැඩ නිසා , ඒ කාලේ සාගර කාරියවසම් ලේකම්තුමා හිටියේ නෑ , මම ඕනෑම විනය පරීක්ෂණයකට ලෑස්තියි , ගුරුවරුන්ගේ පශ්නය මේ තරම් දුර දිග ගියේ එදා උද්ඝෝෂණයේදී හාමුදුරුවන් උස්සගෙන ගිහිල්ලා බස්රථවල දාලා අත්අඩංගුවට ගත්ත නිසා මෙම ප්‍රශ්නය දුර දිග ගියේ නැත්තං දැන් වෙනකොට විසදිලා.