ඉදිරි අයවැය සඳහා යටිතල පහසුකම් සංවර්ධනය සහ මහජන ජීවනෝපාය නගා සිටුවීම සඳහා විශාල මුදලක් වෙන් කරන බව විදේශ අමාත්‍ය ජී එල් පීරිස් මහතා පවසයි.
අස්ගිරි සහ මල්වතු මහනාහිමිවරුන් බැහැදැකීමෙන් අනතුරුව ඔහු කියා සිටියේ ආර්ථික දුෂ්කරතා මධ්‍යයේ වුවද ජන ජීවිතය නඟා සිටුවීම සඳහා ව්‍යාපෘති කිහිපයක් ලබන වසරේ ආරම්භ කරන බවයි.
“ඉදිරි අයවැය මගින් රැකියා අවස්ථා වැඩි කිරීමටත්, විරැකියාව අවම කිරීම සඳහා මහජන සුබසාධන කටයුතු වැඩි කිරීමටත් අපේක්ෂා කරනවා,” අමාත්‍යවරයා පැවසීය.
