නායයෑමේ අවදානම හේතුවෙන් මහනුවර – කොළඹ ප්‍රධාන මාර්ගය ඊයේ (10) රාත්‍රියේ සිට නැවත දැනුම් දෙනතුරු කඩුගන්නාව පහළ ප්‍රදේශයෙන් වසා දමා ඇත.
කොළඹ සිට මහනුවර දෙසට ගමන් කරන වාහනවලට අඹේපුස්ස හන්දියෙන් විකල්ප මාර්ග භාවිත කර කුරුණෑගල, මාවතගම, ගලගෙදර සහ කටුගස්තොට ප්‍රදේශ හරහා මහනුවරට ගමන් කළ හැකි බව පොලිසිය පවසයි. වාහන මාවනැල්ල හන්දියෙන් දකුණට හැරී හෙම්මාතගම, අම්බුළුවාව, ගම්පොළ, පේරාදෙණිය සහ මහනුවර හරහා හෙම්මාතගම මාර්ගයේ ගමන් කළ හැකිය.පොලිස් මාධ්‍ය ප්‍රකාශකවරයා පැවසුවේ මහනුවර සිට කොළඹ දෙසට ගමන් ගන්නා වාහන එම මාර්ග භාවිත කළ හැකි බවයි.
මේ අතර, කාලගුණ තත්ත්වය යහපත් වනතුරු අත්‍යාවශ්‍ය කටයුතු සඳහා පමණක් ගමන් සීමා කරන ලෙස ද පොලිසිය ජනතාවගෙන් ඉල්ලා සිටියි.
