පොලිසිය කොවිඩ් 19 ව්‍යාප්තිය වැලැක්වීම සඳහා සෞඛ්‍ය මාර්ගෝපදේශ කඩකරන්නන් පරීක්ෂා කිරීම සඳහා හෙට සිට බස්නාහිර පළාත තුළ විශේෂ මෙහෙයුම් ක්‍රියාත්මක කරන බව පොලිසිය අද ප්‍රකාශ කළේය.ඒ අනුව පොදු ස්ථානවලට පැමිණෙන, පොදු ප්‍රවාහන සේවයේ ගමන් කරන්නන් සහ වාහනවල ගමන් කරන්නන් ඇතුළු සාමාන්‍ය ජනතාව සෞඛ්‍ය මාර්ගෝපදේශ පිළිපදින්නේද සහ මුඛ ආවරණ පැළඳ සිටින්නේද යන්න නිරීක්ෂණය කිරීම සඳහා පොලිසිය විසින් පරීක්ෂා කරනු ලැබේ.
සෞඛ්‍ය සේවා අධ්‍යක්ෂ ජනරාල්වරයා විසින් නිකුත් කර ඇති මුඛ ආවරණ පැළඳීම, සමාජ දුරස්ථභාවය පවත්වා ගැනීම සහ අත් සේදීම වැනි උපදෙස් මහජනතාව විසින් අනුගමනය නොකරන බව නිරීක්ෂණය වන බව පොලිසිය පවසයි.
එවැනි සෞඛ්‍ය නීති කඩකරන්නන්ට එරෙහිව නීතිමය ක්‍රියාමාර්ග ගන්නා බව පොලිසිය පවසයි.
එබැවින් නිසි සෞඛ්‍ය උපදෙස් පිළිපදිමින් ආරක්ෂිතව ක්‍රියා කරන ලෙස පොලිසිය මහජනතාවගෙන් ඉල්ලා සිටියි.
