දුම්රිය ස්ථානාධිපතිවරුන් මුහුණ දෙන බරපතළ ගැටලු මඟහරවා ගැනීම සඳහා අද මධ්‍යම රාත්‍රී 12.00 සිට පාර්සල් ප්‍රවාහනය කිරීමෙන් හා ප්‍රවේශපත්‍ර නිකුත් කිරීමෙන් වැළකී සිටීමට ශ්‍රී ලංකා දුම්රිය ස්ථානාධිපතිවරුන්ගේ සංගමය (SLRSMU) තීරණය කර තිබේ.
“අපගේ ගැටලු විසඳන ලෙස ප්‍රවාහන අමාත්‍යවරයා, රාජ්‍ය අමාත්‍යවරයා සහ දුම්රිය සාමාන්‍යාධිකාරී (GMR) වෙත ඉල්ලීම් කිහිපයක් ඉදිරිපත් කළ නමුත් අද පැවති සාකච්ඡාවේදී යහපත් ප්‍රතිචාරයක් නොලැබුණු බව එම සංගමය පවසයි.
ඉහත කරුණු සලකා බැලීමේදී උත්සව සමයේදී දුම්රිය මගින් පාරිභෝගිකයන් වෙත අත්‍යාවශ්‍ය පාර්සල් ලබාදීමේ ප්‍රමාදයන් සහ මගී ජනතාව අපහසුතාවයට පත්වීම නොවැළැක්විය හැකිය.එම නිසා අද රාත්‍රියේ සිට පාර්සල් ප්‍රවාහනය, ප්‍රවේශපත්‍ර භාරගැනීම සහ නිකුත් කිරීමෙන් වැළකී සිටීමට SLRSMU තීරණය කර ඇත.
“මෙම වෘත්තීය සමිති ක්‍රියාමාර්ග හරහා සිදුවන ආදායම් අහිමිවීම සම්බන්ධයෙන් දුම්රිය දෙපාර්තමේන්තුවේ කළමනාකාරීත්වය වගකිව යුතු බවත්, අපගේ සාමාජිකයින්ට සහ ජනතාවට බලපාන ගැටළු නොමැති නම් ඉරිදා (26) දහවල් 12.00 සිට සියලුම දුම්රිය ස්ථානාධිපතිවරුන් දැනුවත් කරන බවත් අපි තරයේ විශ්වාස කරමු.
