ගෝලීය වශයෙන් එල්ල වී ඇති බරපතල ආර්ථික අභියෝග හමුවේ, ද්විපාර්ශ්වික සබඳතා ඵලදායී ලෙස පවත්වාගෙන යාම සහතික කරමින්, රටට අවශ්‍ය විදේශ සංචිත සංරක්ෂණය කිරීම හා විදේශ රටවල ශ්‍රී ලංකා දූත මණ්ඩල ප්‍රතිව්‍යුහගත කිරීමේ අරමුණින් මහ කොමසාරිස් කාර්යාලයක් හා කොන්සල් ජනරාල් කාර්යාල කිහිපයක් වසා දැමීමට රජය තීරණය කර තිබෙනවා.
ඒ අනුව නයිජීරියාවේ අබුජා හි ශ්‍රී ලංකා මහ කොමසාරිස් කාර්යාලය, ජර්මනියේ ෆ්‍රෑන්ක්ෆර්ට් හි ශ්‍රී ලංකා කොන්සල් ජනරාල් කාර්යාලය, සයිප්‍රස් හි නිකෝසියා හි ශ්‍රී ලංකා කොන්සල් ජනරාල් කාර්යාලය යන දූත කාර්යාල දෙසැම්බර් 31 වනදා සිට තාවකාලිකව වසා දැමීමට තීරණය කර තිබෙනවා. අමාත්‍ය මණ්ඩලයේ අනුමැතිය ලැබී ඇති මෙම තීරණය විදේශ අමාත්‍යාංශය විසින් සිදු කරන ලද ශ්‍රී ලංකාවේ විදේශ දූත මණ්ඩල සහ තැපැල් ජාලය ප්‍රතිව්‍යුහගත කිරීමේ ක්‍රියාවලියක කොටසකි.
