ගාලුමුවදොර අරගලයේ නිරතව සිටින ජනතාවට ඊයේ (21) රාත්රීයේ විශේෂ කාර්ය බලකා සෙබලු හා ආරක්ෂක අංශ යොදාගනිමින් ප්රහාරයක් එල්ල වූ බව අරගලය නියෝජනය කරන ළහිරු වීරසේකර පවසනවා. අද (22) දිනයේ දහවල් 2.00 ට අරගල භූමියෙන් නිල වශයෙන් ඉවත් වන බව දැනුම්දී තිබියදී මෙම ප්රහාරය එල්ල කළ බවයි අරගලයේ නිරතව සිටින ජනතාව චෝදනා කර සිටියා.
ප්රහාරයෙන් අරගලයේ නිරතව සිටි රැසක් තුවාල ලබා ඇති අතර, ගෝල්ෆේස් අරගල භූමියේ හා ජනාධිපති ලේකම් කාර්යාල පරිශ්රයේ තිබූ ඔවුන්ගේ බඩු බාහිරාදිය රැසකට අලාභහානි සිදුව ඇති බවත්, නීතිඥ නුවන් බෝපගේ ඇතුළු කිහිප දෙනෙකු අත්අඩංගුවට ගෙන ඇති බවද ඔහු පවසනවා.
එමෙන්ම ශ්රී ලංකා නීතිඥ සංගමයේ සභාපති ජනාධිපති නීතිඥ සාලිය පීරිස්, අත්අඩංගුවට ගත් පුද්ගලයින් සිටින ස්ථානයද දැනුවත් කළ යුතු බවද, ආරක්ෂක අංශ මෙම සියලු දෙනාගේම ආරක්ෂාව තහවුරු කළ යුතු බව නිවේදනයක් නිකුත් කරමින් සඳහන් කර සිටියා.
එසේම තමන් පොලිස්පතිවරයා සම්බන්ධ කරගැනීමට උත්සහ කළ අතර යුද හමුදාපතිවරයාට පණිවුඩයක් යවා මේ පිළිබඳව දැනුවත් කළ බවත්, අනවශ්ය ලෙස බලය යොදා ගැනීමෙන් මෙරට පිළිබඳව ජාත්යාන්තරය තුළ ඇති ප්රතිරූපය වර්ධනය නොවන බවත් ශ්රී ලංකා නීතිඥ සංගමයේ සභාපති ජනාධිපති නීතිඥ සාලිය පීරිස් වැඩිදුරටත් සඳහන් කරනවා.