ජනාධිපති අනුර කුමාර දිසානායක මහතා අද (19) පෙරවරුවේ අත්තිඩියෙහි පිහිටි “මිහිඳු සෙත් මැදුර” සුවතා නිකේතනය වෙත පිවිසි අතර, එහි නේවාසිකව ප්‍රතිකාර ලබන රණවිරුවන්ගේ තත්වය පිළිබඳව සෙවීමෙන් අනතුරුව ඔවුන් සමඟ හෘදයාංගම සංවාදයක නිරතවිය.

ජනාධිපතිවරයා, රණවිරුවන්ගේ සිතුවිලි හා නිර්මාණ නැරඹීමටද කාලය වෙන් කරමින්, තිස් වසරක් පුරා පැවති යුද්ධය හේතුවෙන් දෙපාර්ශ්වයේ පුද්ගලයන් විශාල සංඛ්‍යාවක් සිය ජීවිතය, අංගයන් සහ සෞඛ්‍යය අහිමි කරගත්ත බව අවධාරණය කළේය. මෙවන් තත්ත්වයක් යළි කිසිදා ඇති නොවන ලෙස කටයුතු කරන බවත්, ආබාධිත සෙබළුන් සහ ඔවුන්ගේ පවුල්වල යහපත වෙනුවෙන් නිරන්තරයෙන් කැපවෙමින් සිටින බවත් ඔහු අවධාරණය කළේය.

මෙම අවස්ථාවේදී ජනාධිපතිවරයා, නිකේතනයේ වෛද්‍යවරුන් සහ කාර්ය මණ්ඩලය සමඟද අදහස් හුවමාරු කළ අතර, අතිරේක වෛද්‍ය සහ සේවා පහසුකම් සපයන හැකියාවන් පිළිබඳව විශේෂ අවධානයක් යොමු විය.

ආරක්ෂක ලේකම් විශ්‍රාමික එයාර් වයිස් මාර්ෂල් තුයියකොන්තා, යුද හමුදාපති ලුතිනන් ජෙනරාල් ලසන්ත රොද්‍රිගෝ, සේනා විධායක බ්‍රිගේඩියර් ඩබ්ලිව්. ජී. එස්. ඩී. එස්. රාජකරුණා, රණ සේවා හා පුනරුතථාපන අධ්‍යක්ෂ බ්‍රිගේඩියර් ඩබ්ලිව්. ඒ. එස්. විජේදාස ඇතුළු ජ්‍යෙෂ්ඨ නිලධාරීන් පිරිසක්ද මෙම අවස්ථාවට එක්ව සිටිහ.

දුම්රිය ස්ථානාධිපතිවරුන් විසින් ඉල්ලීම් කිහිපයක් ඉදිරිපත් කරමින් ආරම්භ කළ සංකේතාත්මක වැඩවර්ජනය ඊයේ (17) මධ්‍යම රාත්‍රියෙන් අවසන් කරන ලදී.

එම නිසා අද (18) සිට දුම්රිය ධාවනය සාමාන්‍ය පරිදි සිදුවනු ඇති බව දුම්රිය ස්ථානාධිපතිවරුන්ගේ සංගමයේ සභාපති සුමේධ සෝමරත්න පැවසීය.

මේ වැඩවර්ජනය ක්‍රියාත්මක වුයේ 16 වැනි රාත්‍රියේ සිට පැය 24ක කාලයක් සඳහා වන අතර එය දුම්රිය සේවා වලට බරපතළ බලපෑමක් එල්ල කළේය. එම දිනවල රාත්‍රී තැපැල් දුම්රිය සේවාවද නවතා දැමුණි.

එහෙත්, ඉදිරියේදී ඔවුන්ගේ ඉල්ලීම් සලකා නොබලන බවට තොරතුරු තහවුරු වුවහොත්, අඛණ්ඩ වර්ජනයක් ආරම්භ කිරීමට තමන් සූදානම් බව සභාපතිවරයා සඳහන් කළේය.

2009 මැයි 18 වනදා මෙරට දශක තුනකට අධික කාලයක් පවතිූ එල්.ටී.ටී.ඊ ත්‍රස්තවාදය නිමා වූයේ නන්දිකඩාල් කලපුවේදී එල්.ටී.ටී.ඊ නායක වේළුපිල්ලේ ප්‍රභාකරන් ආරක්ෂක අංශ විසින් ජිවිතක්ෂයට පත් කිරීමෙනි. එදින මෙරට ඉතිහාසයේ නව යුගයක් ඇරඹිය හැකිවූ අතර, අද (18) දිනට එම ජයග්‍රහණයට වසර 16ක් සපිරේ.

මෙරට ආරක්ෂක අංශවල විශිෂ්ට මෙහෙයුම් මගින් ලොව විශාලතම මානුෂීය මෙහෙයුමක් ලෙස සටහන් වන්නට සමත් වූයේ දහස් ගණනක් සිවිල් වැසියන් ත්‍රස්තවාදීන්ගෙන් මුදාගැනීමෙනි. එමගින් එල්.ටී.ටී.ඊ ග්‍රහණයෙන් ජනතාව නිදහස් කිරීමේ විශාල ව්‍යාපෘතියක් සාර්ථකව කටයුතු කරනු ලැබීය.

ජයග්‍රහණයේ 16 වැනි සංවත්සරය සමරමින් “ජාතික විජයග්‍රාහි සැමරුම් උත්සවය” හෙට (19) දිනයේ ශ්‍රී ජයවර්ධනපුර කෝට්ටේ රණවිරු ස්මාරකය අභියස දී පස්වරු 4 සිට 6 දක්වා පැවැත්වීමට නියමිතය.

මෙම උත්සවයට නියෝජ්‍ය ආරක්ෂක අමාත්‍ය විශ්‍රාමික මේජර් ජනරාල් අරුණ ජයසේකර මහතා ප්‍රධානත්වය ලබාදෙයි. ත්‍රස්තවාදය පරාජය කිරීමේදී ත්‍රිවිධ හමුදාවට නායකත්වය ලබාදුන් ෆීල්ඩ් මාර්ෂල් සරත් ෆොන්සේකා, අද්මිරාල් ඔෆ් ද ෆ්ලීට් වසන්ත කරන්නාගොඩ සහ මාර්ෂල් ඔෆ් ද එයාර් ෆෝස් රොෂාන් ගුණතිලකද සහභාගී වීමට නියමිතය.

එමෙන්ම, දේශප්‍රේමී ජාතික පෙරමුණ ඊයේ පැවැත්වූ මාධ්‍ය හමුවකදී ජනතාවගෙන් ඉල්ලීමක් කරමින් ඉල්ලා සිටියේ ජාතික රණවිරු දින සැමරුමට සමගාමීව අද (18) දිනයේ සියලු නිවෙස්වල ජාතික කොඩිය ඔසවන ලේස්යි.