පසුගියදා ඇතිවූ හදිසි ගංවතුර තත්ත්වයෙන් විපතට පත්වූවන්ට සහන සැලසීම සඳහා චීන රජයෙන් රුපියල් මිලියන 30ක (USඪ් 100,000) මුදලක් මෙරටට පරිත්‍යාග කර තිබේ.

අද (22) පස්වරුවේ ජනාධිපති කාර්යාලයේදී ජනාධිපති අනුර කුමාර දිසානායක මහතා හමුවූ ශ්‍රී ලංකාවේ චීන තානාපති Qඉ Zහෙන්හොන්ග් මහතා එම මුදල නිල වශයෙන් ජනාධිපතිවරයා වෙත භාරදී ඇත.

විපතට පත් වූවන් වෙනුවෙන් හදිසි සහන සැලසීම මෙන්ම ගංවතුර තත්ත්වය වැළැක්වීම සහ කළමනාකරණයට අදාළව ගත යුතු දීර්ඝකාලීන උපායමාර්ග පිළිබඳව ද මෙම හමුවේදී සාකච්ඡා කර තිබේ. එමෙන්ම ඉදිරියේ දී ඇති විය හැකි ගංවතුර තත්ත්ව වළක්වා ගැනීම සහ එවැනි තත්ත්වවලට මුහුණ දීමට ඇති හැකියාව වැඩිදියුණු කිරීම සඳහා අනුගමනය කළ හැකි තිරසාර විසඳුම් සහ ක්‍රමවේද පිළිබඳව ද මෙහිදී අවධානය යොමුකළ බව ජනාධිපති මාධ්‍ය අංශය නිකුත් කළ නිවේදනයේ සඳහන් වේ.

අවිස්සාවේල්ල පොලිස් බල ප්‍රදේශයේ දෙව්රුම් පිටිය වංගුව අසල අද (22) දහවල් පෞද්ගලික මගී බස් දෙකක් එකිනෙක ගැටී සිදුවූ අනතුරකින් පුද්ගලයින් 28 දෙනෙකු පමණ තුවාල ලබා රෝහල්ගත කර තිබේ.

තුවාලකරුවන් අවිස්සාවේල්ල මූලික රෝහලට ඇතුළත් කර තිබෙන අතර ඉන් තිදෙනකුගේ තත්ත්වය බරපතළ බව වාර්තා වෙයි.

කොළඹ සිට ඇඹිලිපිටිය සූරියවැව දක්වා ගමන් ගත් පෞද්ගලික බස් රථයක් රත්නපුර සිට කොළඹ දක්වා ගමන් ගත් පෞද්ගලික බස් රථයක් මුහුණට මුහුණ ගැටීමෙන් මෙම අනතුර සිදුවී ඇත.

වන අලි වැඩි වශයෙන් ගැවසෙන ස්ථාන ආශ්‍රිත ප්‍රදේශවල රාත්‍රී කාලයේ දුම්රිය ධාවනය සීමා කිරීමට තීරණය කර තිබේ.ඇත අතර ඉන්ධන ප්‍රවාහන දුම්රිය සඳහා පමණක් දැනට අදාළ කාලසටහන් සංශෝධනයට පියවර ගන්නා බව දුම්රිය දෙපාර්තමේන්තුව සඳහන් කර සිටියා.

ඒ අනුව, අලුයම 01 ත් 05 ත් අතර කාලයේ හඳුනාගෙන ඇති ස්ථාන හරහා දුම්රිය ධාවනය සීමා කෙරෙන අතර මඩකලපුව සහ ත්‍රිකුණාමලය මාර්ගවල ධාවනය කෙරෙන ඉන්ධන ප්‍රවාහන දුම්රිය සඳහා නව වැඩපිළිවෙල ක්‍රියාත්මක කරන බව එම දෙපාර්තමේන්තුව පැවසුවේ ය.

වන අලි දුම්රියේ ගැටීම වැළැක්වීම සඳහා වනජීවි දෙපාර්තමේන්තුව සමග සුදුසු වැඩපිළිවෙළක් සකස් කරන බව ද දුම්රිය දෙපාර්තමේන්තුව ප්‍රකාශ කර සිටියා.