ඉන්දියානු සාගරයේ අග්නිදිග කොටස වන සවුත්ඊස්ට් ඉන්දියන් රිජ් ප්‍රදේශයේදී පෙරවරු 7.13 ට පමණ මැග්නිටියුට් ඒකක 6.6 ක ප්‍රබල භූ කම්පනයක් සිදුවී ඇති බව විදෙස් මාධ්‍ය වාර්තා කරයි.

මෙම භූ කම්පනය මුහුදු අභ්‍යන්තර කඳුවැටියක ඇතිවූවක් වන අතර, සුනාමි අනතුරු ඇඟවීමක් නිකුත් වී නොමැට්ගි බව වාර්තා වේ.

මෙයට සමගාමීව ඇෆ්ගනිස්ථානයේ හින්දු කුෂ් ප්‍රදේශයේද මැග්නිටියුට් ඒකක 5.6 ක භූ කම්පනයක් වාර්තා වී ඇත. එහිදී ජීවිත හානි හෝ දේපල හානි පිළිබඳව වාර්තා වී නොමැති අතර භූ කම්පනය පතුලේ සිට කිලෝමීටර් 121 ක් ගැඹුරින් සිදුවී ඇති බව වාර්තා වේ.

අමෙරිකානු ජනපති ඩොනල්ඩ් ට්‍රම්ප් විසින් චීන භාණ්ඩ සඳහා පැනවූ 125% ක තීරු බදු වලින් ස්මාර්ට්ෆෝන්, පරිගණක සහ මෙමරි කාඩ්පත් ඇතුළු ඉලෙක්ට්‍රොනික කොටස් කිහිපයක් නිදහස් කර තිබේ.

මෙය තීරණය කර ඇත්තේ, එම තීරු බදු හේතුවෙන් අමෙරිකාවේ තාක්ෂණ සමාගම් දැක්වූ කනස්සල්ල හේතුවෙනි. ඔවුන් අනතුරු ඇඟවූයේ මෙම භාණ්ඩ සඳහා මිල ඉහළ යාමක් සිදුවිය හැකි බවයි.

ඒ අනුව, චීනයෙන් ආනයනය වන ඉලෙක්ට්‍රොනික උපාංග විශාල ප්‍රමාණයකින් යුක්ත නිෂ්පාදනවලට බලපෑම් අවම කිරීම සඳහා මෙම සහනය ලබාදී තිබේ.

චීනය සහ ඇමෙරිකාව අතර දිගින් දිගටම පවතින වෙළෙඳ යුද්ධය දැන් දෙරට අතර රාජ්‍යතාන්ත්‍රික අර්බුදයකට පthva Athi බව විදෙස් මාධ්‍ය වාර්තා කරයි.

මෙම තත්ත්වය මත වහාම ක්‍රියාත්මක වන පරිදි, චීන සංස්කෘතික හා සංචාරක අමාත්‍යාංශය විසින් ඇමෙරිකාව සම්බන්ධයෙන් විශේෂ සංචාරක උපදේශන මාලාවක් නිකුත් කර ඇති අතර, චීන ජාතිකයන්ට ඇමෙරිකාවේ සංචාරයන් සැලසුම් කරන අවස්ථාවේදී ඇතිවිය හැකි ආරක්ෂක අවදානම් ගැන අවධානයෙන් සිටින්නැයි උපදෙස් දී ඇත.

එමෙන්ම ඇමෙරිකාවේ ඉගෙනුම ලබන චීන සිසුන් සම්බන්ධයෙන්ද ආරක්ෂක තත්ත්වය තක්සේරු කිරීමට චීන අධ්‍යාපන අමාත්‍යාංශය විශේෂ පියවර ගෙන ඇති බවද වාර්තා වේ.

චීන-අමෙරිකා ආර්ථික හා වෙළෙඳ සබඳතාවයන් මෑතකාලීනව දැඩි පරිදි පහළ ගොස් ඇති අතර, ඇමෙරිකාවේදී චීන ජාතිකයන්ට මුහුණපාන ආරක්ෂක තර්ජන පිළිබඳ චීන පාර්ශ්වය දැඩි කනස්සල්ලක් ද පළකරයි.

වඩාත් දැඩි තීරණයක් ලෙස, ඇමෙරිකානු ජනාධිපතිවරයා චීන භාණ්ඩවල තීරුබදු 125% දක්වා ඉහළ නැංවීමට පියවර ගෙන ඇති අතර, චීනයද අද (10) සිට ඇමෙරිකානු භාණ්ඩවල 84%ක තීරුබදු ක්‍රියාත්මක කර ඇත.

මෙම සෙසු පියවර මඟින් දෙරට අතර ව්‍යාපාරික සහ රාජ්‍යතාන්ත්‍රික සබඳතා තවත් තීව්‍ර අවදානමකට ලක්වී ඇති බව විදෙස් විශ්ලේෂකයන් පෙන්වා දෙයි.