2030 වසර වන විට ලොව සිව්වැනි විශාලතම විදුලි මෝටර් රථ නිෂ්පාදකයෙකු ලෙස ඉන්දියාව පත්වන බව Rhodium සමූහය නිකුත් කළ නවතම වාර්තාවක සඳහන් වේ.

ගෝලීය ආර්ථික සහ ප්‍රතිපත්ති විශ්ලේෂණයට කැපවූ මෙම බුද්ධි මණ්ඩපය පෙන්වා දක්වන්නේ, ඉදිරි වසර පහ තුළ විදුලි මෝටර් රථ සඳහා ඉන්දියාවේ ඉල්ලුම මිලියන 1.1 සිට 2.1 දක්වා ඒකක ගණනකින් ඉහළ යනු ඇති බවයි.

මෙම ඉහළ යාම නිසා ඉන්දියාවේ නිෂ්පාදන ධාරිතාවද 2030 වන විට මිලියන 2.5 ක් දක්වා, දස ගුණයකින් වර්ධනය වීමට නියමිතය.

ලොව විදුලි මෝටර් රථ නිෂ්පාදනයේ ප‍්‍රමුඛයන් ලෙස දැන් චීනය, යුරෝපය සහ ඇමරිකාව පිහිටයි. ඉන්දියාවට මෙම වෙළඳපොළේ තරඟයට පිවිසීම සඳහා නිෂ්පාදන පිරිවැය අඩු කිරීම වැදගත් වන බවද ර්‍හොඩිඋම් වාර්තාවේ සඳහන්ය.

ලොව පුරා විශාල පරිශීලක ප්‍රමාණයක් හිමි වීඩියෝ ඇමතුම් සේවාවක් වූ “ස්කයිප්” යෙදුම අද (05) සිට වසා දැමීමට මයික්‍රොසොෆ්ට් සමාගම තීරණය කර තිබේ.

මීට පෙර මාර්තු මාසයේදී ස්කයිප් සිය නිල X ගිණුමේ සටහනක් නිකුත් කරමින් මැයි මාසයේදී මෙහෙයුම් නතර කිරීමට සැලසුම් ඇති බව දැනුම් දී තිබුණි. මෙය අනුව, ඉදිරියේදී ස්කයිප් ගිණුම් හිමියන්ට Microsoft Teams Free වෙත ඔවුන්ගේ පවතින මුරපද භාවිතයෙන් පිවිසිය හැකි බවද සමාගම අවධාරණය කරයි.

2003දී එළිදැක්වූ ස්කයිප්, 2011දී ඩොලර් බිලියන 8.5ක මුදලක් යටතේ මයික්‍රොසොෆ්ට් සමාගම විසින් මිලදී ගන්නා ලදි. එම ගනුදෙනුව මයික්‍රොසොෆ්ට් සමාගම සඳහා විශාලතම ආයෝජනයක් වූ බව වාර්තා වේ.

පරිගණකයක් හරහා නොමිලේ වීඩියෝ සහ ශබ්ද ඇමතුම් ලබාදීමේ හැකියාව නිසා ස්කයිප් යෙදුම ලෝකයේ ජනප්‍රියම සේවාවන්ගෙන් එකක් බවට පත්වුණි. එය පළමු වරට මෙවැනි සේවාවක් ලබාදුන් සමාගම නොවූවත්, එවකට පරිශීලකයින් අතර ජනප්‍රියත්වය ලබාගැනීමට විශාල වශයෙන් දායක විය.

යුරෝපා සංගමය, ඇපල් සමාගමට සහ ෆේස්බුක් මව් සමාගම වන මෙටා සමාගමට දැඩි දඩ මුදල් පනවා තිබේ.

ඒ අනුව, ඇපල් සමාගමට ඇමරිකානු ඩොලර් මිලියන 570ක්ත්, මෙටා සමාගමට ඩොලර් මිලියන 228ක්ත් වශයෙන් දඩ පනවා ඇති බව විදෙස් වාර්තා සඳහන් කරයි.

මෙම දඩ පනවා ඇත්තේ, මෙම සමාගම් යුරෝපා සංගමයේ ඩිජිටල් වෙළෙඳපොළ පනත යටතේ තිබෙන නීති කඩකළේයැයි පවසා ඇති චෝදනා මතය.

අදාළ විමර්ශනය වසරක පමණ කාලයක් පැවැති අතර, එහි අවසන් වාර්තාව මත මෙම තීරණය ගත් බවද වාර්තා පෙන්වා දෙයි.