Connect with us

world-news

ඇමෙරිකානු ජනාධිපති ඩොනල්ඩ් ට්‍රම්ප් එක්සත් අරාබි එමීර් රාජ්‍යය සමඟ සබඳතා ශක්තිමත් කරන බව ප්‍රකාශ කරයි…

Published

on

ඇමෙරිකානු ජනාධිපති ඩොනල්ඩ් ට්‍රම්ප් මහතා, මැදපෙරදිගට සිව්දින රාජ්‍ය සංචාරයක නිරතවෙමින් සිටින අතර, ඒ අවස්ථාවේදී එක්සත් අරාබි එමීර් රාජ්‍යයේ ජනාධිපති ෂෙයික් මොහොමඩ් බින් සයිඩ් අල් නහියන් මහතා හමුවී ඇත.

මෙම හමුවේදී ජනාධිපති ට්‍රම්ප් මහතා පැවසූයේ, දෙරට අතර සබඳතා තවදුරටත් ශක්තිමත් කරගෙන යාමට සැලසුම් කර ඇති බවයි. ඔහු ප්‍රකාශ කළේ, ඩොලර් බිලියන 200කට අධික වටිනාකමකින් යුතු ගනුදෙනු කිහිපයක් මේ සඳහා දැනටමත් සම්මුත වී ඇති බවය.

කෘත්‍රිම බුද්ධි (AI) තාක්ෂණය පිළිබඳ සහයෝගීතාවය ද මෙම ගිවිසුම්වලට ඇතුළත් වන අතර, එය දෙරට අතර තාක්ෂණික සබඳතාවයන් දැඩියෙන් වර්ධනය කිරීමට බලාපොරොත්තු වන බව ද හෙළිවුණි.

එහිදී ඇමෙරිකානු බෝයිං සමාගම සහ එක්සත් අරාබි එමීර් රාජ්‍යයේ එතිහෙඩ් එයාර්වේස් සමාගම අතර $14.5 බිලියන වටිනාකමින් යුතු ගිවිසුමක්ද සම්මුත විය.

ජනාධිපති ට්‍රම්ප් මහතා ඊයේ (15) සෞදි අරාබියට ගිය අතර, එයට අනතුරුව කටාර් රාජ්‍යයට පැමිණියේය. මේ වනවිට ඔහු එක්සත් අරාබි එමීර් රාජ්‍යයේ සංචාරයේ නිරත වන අතර, එය ගල්ෆ් කලාපයේ රාජ්‍ය 3කට සිදුකරන සංචාරයේ අවසාන නැවතුම වන අතරය.

Continue Reading
Click to comment

Leave a Reply

Your email address will not be published. Required fields are marked *

world-news

අහමදාබාද් ගුවන්තොටුපොළ අසල සිදු වූ අනතුරින් එක් අයෙකු දිවි ගලවා ගනී..

Published

on

By

අහමදාබාද් ගුවන්තොටුපළ අසලදී අද (12) දිනයේ සිදුවූ බිහිසුණු ගුවන් අනතුරකින් මගීන් 200කට අධික සංඛ්‍යාවක් මිය ගොස් ඇති අතර, එයාර් ඉන්දියා ගුවන් යානයක් මෙයට ලක්වූ බව මූලික වාර්තා පෙන්වයි. අනතුර සිදුවූ විට යානය ලන්ඩන් බලා පිටත් වී තිබූ අතර, යානයේ මගීන් 250ක් පමණ සිටි බවද පැවසේ. මේඝානිනගර් ප්‍රදේශය අසල ධාර්පූර් සිට දැඩි දුමාරයක් දක්නට ලැබූ අතර, ගිනි නිවන හමුදාව හා හදිසි ප්‍රතිචාර කණ්ඩායම් එම ස්ථානයට ඉක්මනින් පැමිණ ඇත.

අනතුරෙන් පැය කිහිපයකට පසු ඉන්දීය හා ජාත්‍යන්තර මාධ්‍යය තහවුරු කළේ ගුවන් යානයේ සිටි බොහෝ දෙනා මියගොස් ඇති බවය. කෙසේ වෙතත්, 11A ආසනයේ සිටි විශ්වාෂ් නම් 40 හැවිරිදි බ්‍රිතාන්‍ය ජාතිකයෙකු මේ අනතුරෙන් දිවි බේරාගෙන තිබේ. ඔහු ඉන්දියාවට පැමිණ තිබුයේ තම පවුලේ අය බැලීම සඳහා වන අතර, අනතුර සිදුවූ වෙලාවේදී ඔහු සහෝදරයෙකු සමඟ එක්සත් රාජධානිය බලා යමින් සිටියේය.

විශ්වාෂ් දැන් අහමදාබාද්හි අසාර්වා රෝහලේ සාමාන්‍ය වාට්ටුවක ප්‍රතිකාර ලබමින් සිටී. ඔහු පවසන්නේ, “ගුවන්ගතවී තත්පර තිහකට පසු විශාල ශබ්දයක් ඇති වුණා. ඒ සමඟම යානය කඩා වැටුණා. ඒ සියල්ල ඉතා ඉක්මනින් සිදුවුණා” යනුවෙනි. ඔහුගේ පපුවේ, ඇස්වල සහ පාදවලට තුවාල සිදුව ඇති බව වෛද්‍ය වාර්තා පෙන්වයි.

මෙම ගුවන් අනතුරට හේතුව මේවනවිට බලධාරීන් විසින් තවමත් නිල වශයෙන් තහවුරු කර නොමැත.

Continue Reading

world-news

සිරියාවේ පොදු වෙරළ තීරයන්හි බුර්කිනි ඇඳීම අනිවාර්යයි – අන්තර්කාලීන රජයෙන් නව නියෝගයක්…

Published

on

By

සිරියාවේ අන්තර්කාලීන රජය විසින් නිකුත් කර ඇති නව නියෝගයක් අනුව, කාන්තාවන් සඳහා පොදු වෙරළ තීරයන්හි සහ පිහිණුම් තටාකවල බුර්කිනි ඇඳීම අනිවාර්ය වී ඇත.

විදෙස් මාධ්‍ය වාර්තා පවසන්නේ, මෙම නියෝගය සිරියාවේ ඉස්ලාමීය නායකත්වය පවත්වාගෙන යන අන්තර්කාලීන රජය මගින් ලබාදීමක් බවයි.

එම නියෝගය අනුව, කාන්තාවන් විසින් මුහුණ, අත්පා සහ පාද හැර සෙරීරය සම්පූර්ණයෙන් ආවරණය වන ලෙස බුර්කිනි හෝ වෙනත් යහපත් ඇඳුමක් ඇඳීම අනිවාර්ය වේ. එමෙන්ම මෙම නීතිය පොදු වෙරළ තීරයන් සහ පිහිණුම් තටාකවලට පමණක් වලංගු වන අතර, පෞද්ගලික වෙරළ තීරයන්, සමාජ ශාලා හෝ තරු පංතියේ හෝටල් සඳහා එය අදාළ නොවන බවද වාර්තා වේ.

Continue Reading

world-news

ලොව පුරා ඉස්ලාම් බැතිමතුන් අද හජ් උත්සවය සමරයි

Published

on

By

ලොව පුරා විහිදී සිටින ඉස්ලාම් බැතිමතුන් අද (05) හජ් උත්සවය හෙවත් ඊද්-උල්-අල්හා සමරයි. නබි මුහම්මද් (සල්) තුමාගේ ඉගැන්වීම් පදනම් කරගනිමින් මුස්ලිම් ප්‍රජාව මෙම උත්සවය සමරන්නේ සමගිය, සාමුහිකත්වය සහ ආත්මීය පූජාවෙන් යුතු විශේෂ ආගමික දිනයක් ලෙසය.

ඉස්ලාමීය දින දර්ශනයට අනුව දුල් හිජ්ජා මාසයේ දසවැනි දිනය හජ් උත්සවය සඳහා වෙන්කර ඇති අතර, අල්ලා දෙවියන්ට භක්තියක්වෙන් නබි ඊබ්‍රාහිම් (අලිහිස්සලාම්) තුමා දරුණු අත්හරින ශක්තියකින් ගත් සත්‍ය විශ්වාසය හා ආඥාපාලනය මෙය සිහිපත් කරයි.

ඉස්ලාම් දහමේ පංච මහා වගකීම්වලින් එකක් වන හජ් වන්දනාව මෙය සමගාමීව සිදු කෙරෙයි. වසරකට එක් වරක් සෞදි අරාබියේ මක්කම නගරයේදී සිදු වන මෙම විශේෂ වන්දනාවට ලක්ෂ ගණනක් පිරිසක් සහභාගී වීම විශේෂත්වයකි.

ශ්‍රී ලංකාව තුළද මුස්ලිම් ජනතාව අද දිනය ආගමික උත්සවයකින් සමරමින් සිටිති. කොළඹ නගරය ඇතුළු දිවයිනේ බහුතර ප්‍රදේශවල මුස්ලිම් මහා පල්ලීවලදී උදෑසන ආගමික වතාවත් පවත්වන ලදී. කොළඹ මුස්ලිම් මහ පල්ලිය සහ දවටගහ ජුම්මා පල්ලිය ඇතුළු ප්‍රධාන ආගමික ස්ථානවලද විශේෂ ආගමික වතාවත් සහ නමස්කාර කටයුතු පැවැත්වෙනු ඇත.

මෙම උත්සවය සමාජය තුළ පරිත්‍යාගය, සහයෝගීතාව සහ පවුල් බැඳීම වැනි අගයයන් ගෙන එන දිනයක් ලෙසද සැලකේ.

Continue Reading

ප්‍රවණතාවන්