කාලගුණ විද්‍යා දෙපාර්තමේන්තුව සදහන් කළේ බස්නාහිර, සබරගමුව පළාත්වලටත් ගාල්ල, මාතර, මහනුවර සහ නුවරඑළිය දිස්ත්‍රික්කවලටත් ස්වල්ප වැසි ඇති විය හැකි බවයි.
ඌව පළාතේ ද, අම්පාර සහ මඩකලපුව දිස්ත්‍රික්කවල ද පස්වරු 2න් පසුව ස්ථාන කිහිපයක වැසි හෝ ගිගුරුම් සහිත වැසි ඇතිවිය හැකි බව ද කාලගුණ විද්‍යා දෙපාර්තමේන්තුව වැඩිදුරටත් පවසයි.
මධ්‍යම කඳුකරයේ බටහිර බැවුම් ප්‍රදේශවලද, උතුරු-මැද සහ වයඹ පළාත්වලද, හම්බන්තොට දිස්ත්‍රික්කයේ ද විටින් විට පැ.කි.මී. 30 සිට 40 දක්වා වේගයෙන් තද සුළං හමනු ඇත.
සූර්යයා ශ්‍රී ලංකාව ආසන්න අක්ෂාංශවලට සෘජුවම ඉහළින් පවතින කාලය ලෙස අගෝස්තු 28 සිට සැප්තැම්බර් 7 දක්වා කාලය නියම වී තිබේ.
ඒ අනුව අද දහවල් 12.10ට ආඬිගම, බලල්ල, මීගස්වැව, බඹරගස්වැව, බකමූණ, අරලගංවිල, චෙන්කලඩි සහ එරාවුර් ප්‍රදේශවලට සූර්ය කෙලවරය පිහිටා ඇත.
