දකුණු කොරියාවේ නිෂ්පාදන හා ධීවර ක්ෂේත්‍රවල රැකියා සඳහා 2025 වර්ෂයේ පැවැත්වෙන කොරියානු භාෂා ප්‍රවීණතා විභාගය සඳහා ප්‍රවේශපත්‍ර නිකුත් කිරීම අද (15) ආරම්භ වූ අතර එය සැප්තැම්බර් 17 වන දින මධ්‍යම රාත්‍රිය දක්වා මාර්ගගත ක්‍රමය ඔස්සේ සිදුකෙරේ.

විභාගයට ලියාපදිංචි වීමට ශ්‍රී ලංකා විදේශ සේවා නියුක්ති කාර්යාංශයේ www.slbfe.lk වෙබ් අඩවිය භාවිතා කළ හැක.

අයදුම් කළ හැක්කේ 1985.09.15 සිට 2007.09.14 අතර උපන්, වයස අවුරුදු 18-39ක් අතර පුද්ගලයින්ටයි. නඩු නිමිත්තක වරදකරුවන්, දකුණු කොරියාව මඟින් පිටුවහල් කරනු ලැබූ අය, වර්ණ අන්ධතාවය, කොඳු ඇට ආබාධ, ඇඟිලි අඩුකිරීම් සහිත අය, හෝ E-9 සහ E-10 වීසා යටතේ 5 වසරට වැඩි කාලයක් සේවය කළ අය මෙයට අයදුම් කළ නොහැක.

අයදුම් කිරීම සඳහා වලංගු විදේශ ගමන් බලපත්‍රයේ ස්කෑන් පිටපතක්, 3.5 × 4.5 සෙ.මී. ප්‍රමාණයේ සුදු පසුබිම සහිත නව ඡායාරූපයක්, සහ රු. 8,428.40ක් වූ විභාග ගාස්තුව ගෙවූ බැංකු රිසිට්පතක් ඉදිරිපත් කළ යුතුය.

වැඩි විස්තර හා බැංකු ගිණුම් අංක ලබාගත හැක්කේ www.slbfe.lk වෙබ් අඩවියෙන්ය.

හිටපු නියෝජ්‍ය අමාත්‍ය ආචාර්ය හර්ෂණ සූරියප්පෙරුම මහතා මුදල් අමාත්‍යාංශයේ නව ලේකම්වරයා ලෙස ජනාධිපතිවරයා විසින් පත් කර තිබේ.

ජනාධිපති මාධ්‍ය ඒකකය නිකුත් කළ නිවේදනයක සඳහන් වන්නේ, පසුගිය දිනවලදී විශ්‍රාම ගිය මහින්ද සිරිවර්ධන මහතාගේ පිටවීමෙන් පසු මෙම පත්කිරීම සිදු වූ බවයි.

මහින්ද සිරිවර්ධන මහතා ඉදිරි දිනවලදී ආසියානු සංවර්ධන බැංකුවේ (ඇඪ්ඹ්) විකල්ප විධායක අධ්‍යක්ෂවරයෙකු ලෙස වැඩභාර ගැනීමට නියමිතය.

ආචාර්ය සූරියප්පෙරුම මහතා ජාතික ජන බලවේගය නියෝජනය කරන ජාතික ලැයිස්තු පාර්ලිමේන්තු මන්ත්‍රීවරයෙකු වශයෙන්ද, වත්මන් රජයේ මුදල් සහ ක්‍රම සම්පාදන නියෝජ්‍ය අමාත්‍යවරයෙකු ලෙසද කටයුතු කර ඇත.

මුදල් අමාත්‍යංශ ලේකම් ධූරයට පත්වීම සඳහා ඔහු පසුගිය සතියේදී තම පාර්ලිමේන්තු මන්ත්‍රී ධූරයෙන් ඉල්ලා අස්විය.

බූස්ස බන්ධනාගාරය තුළ සිදුකරන දැඩි සෝදිසි කිරීම්වලට විරෝධය පළ කරමින් එම බන්ධනාගාරයේ රැඳවියන් දෙදෙනෙකු අද (20) වහළය මත නැගී විරෝධතාවයක් ආරම්භ කර ඇත.

මේ අනුව, මීට පෙර 18 වනදා දින මෙම සෝදිසි කිරීම්වලට විරෝධය පළ කරමින් රැඳවියන් පහදෙනෙකු විසින් වහළය මත නැඟී විරෝධතාවයක නිරත වූ අතර, ඔවුන් එම විරෝධතාව මේ වනවිට අවසන් කර තිබේ.