විශ්වවිද්‍යාල ආචාර්යවරුන්ගේ සමිති සම්මේලනය විසින් ඉල්ලීම් කිහිපයක් මුල් කරගෙන අද (30) සිට එක්දින වැඩ වර්ජනයක් ආරම්භ කර ඇත.
ඒ, ආචාර්ය හිඟය, වැටුප් විෂමතාව සහ දීමනා කප්පාදුවට විරෝධය පළ කිරීමේ අරමුණින්ය.
සම්මේලනය සඳහන් කළේ අද දිනයේ දිවයිනපුරා සියළු විශ්වවිද්‍යාලවල මෙම වැඩ වර්ජනය ක්‍රියාත්මක වන බවයි.
බලධාරීන් සමඟ කිහිප වරක් සාකච්ඡා කළද තවමත් සෘජු විසඳුමක් නොලැබූ බවද එම සම්මේලනය පවසා ඇත.
