මේ වන විට රෝහල් කිහිපයකින්ම කොවිඩ් ආසාදිත ගැබිනි මව්වරුන් 70 දෙනෙකු හඳුනාගෙන ඇති අතර ගැබිනි මව්වරුන් පිළිබඳ දැඩි අවධානයෙන් පසුවිය යුතු බව ප්රජා විශේෂඥ වෛද්ය චිත්රමාලි ද සිල්වා මහත්මිය පැවසීය.
මේ අතර කුඩා දරුවන් පිළිබඳ හා ගර්භිණී මව්වරුන් සම්බන්ධයෙන් වු සායන හුදකලා කර ඇති ප්රදේශවල හැරුණම සෙසු ස්ථානවල සාමාන්ය පරිදි පැවැත්වෙන බවද ඇය සඳහන් කළාය.
විශේෂයෙන් ම මේ වන විට පවතින කොවිඩ් වෛරසය දරුවන් ට හා ගැබිනි මව්වරුන්ට වැළඳීමේ වැඩි ප්රවණතාවයක් ඇති බව ද වෛද්යවරිය පැවසුවාය.
ඒ අනුව කොවිඩ් -19 වෛරසයෙන් ආරක්ෂා වීමට ගැබිනි මව්වරු කළ යුතු දේ,
*මුව ආවරණ භාවිතය අනිවාර්ය වේ.
*හැකි තරම් ගමන් බිමන් සීමා කළ යුතුය.
*කණ්ඩායම් එක්රැස් වන ස්ථානයන්ට යෑමෙන් වැළකිය යුතුය.
*වෙළෙඳසැල් වෙත යාම හැකි තරම් අවම කළ යුතුය.
*කෘත්රීම ආහාර ගැනීමෙන් වැළකීම.
*නිවසේ දී ආහාර පිළියෙල කිරීමේ දී නිතර දෑත් පිරිසිදුවට තබා ගැනීම.
