අනුරාධපුර ,රාමකැලේ වලව්වත්ත ප්‍රදේශයේ නවාතැන් පහසුකම් සපයනු ලබන හෝටල් කාමරයක් තුළ නවාතැන් ගෙන සිටි පුද්ගලයෙකු සැකකටයුතු අන්දමින් මියගොස් ඇති අතර මෙය සිය දිවි හානි කරගැනීමක් ද මනුෂ්‍ය ඝාතනයක් ද නැතිනම්, ස්වාභාවික මරණයක් ද යන්න සොයා අනුරාධපුර පොලීසිය විමර්ශන ආරම්භ කර තිබේ.
මියගොස් ඇත්තේ, තිස්වැල්ල , කිරිඳිවෙල ප්‍රදේශයේ පදිංචි 35 හැවිරිදි පුද්ගලයෙකි. මෘත ශරීරය, සිද්ධිය වූ ස්ථානයේ පොලිස් ආරක්ෂාව යටතේ තබා ඇති අතර මහේස්ත්‍රාත් පරීක්ෂණය සහ පශ්චාත් මරණ පරීක්ෂණය අද (21) සිදුකිරීමට නියමිතයි.
