අද (30) ද දිවයිනේ ප්‍රදේශ කිහිපයක බරපතළ ගෑස් හිඟයක් ඇති විය.
ලිට්‍රෝ සමාගමේ ප්‍රකාශකයෙකු පැවසුවේ ගෑස් මෙට්‍රික් ටොන් 3700ක් රැගත් තවත් යාත්‍රාවක් අඟහරුවාදා (29) රාත්‍රියේ දිවයිනට පැමිණි බවත්
කාලසටහනට අනුව බදාදා (30) ගෑස් ගොඩබෑමට නියමිත බවය.
තවද ලිට්‍රෝ සමාගම පැවසුවේ ඔවුන් අඟහරුවාදා (29) ගෑස් සිලින්ඩර 10,000 ක් වෙළඳපොළට බෙදා දුන් බවයි.
ඇතැම් ප්‍රදේශවල ජනතාව වැස්සක් නොතකා ගෑස් සඳහා පෝලිමේ සිටිනු දක්නට ලැබුණු අතර ඇතැම් ස්ථානවල මිනිසුන් තම ප්‍රදේශයේ බෙදාහරින්නාට ගෑස් ලබා දෙන තුරු හිරු එළියෙන් ආරක්ෂා වීමට කුඩ අල්ලාගෙන සිටිනු දක්නට ලැබිණි.
