රටේ වත්මන් ආර්ථික තත්ත්වය සම්බන්ධයෙන් IMF හි කළමනාකාර අධ්‍යක්ෂ Kristalina Georgieva මහත්මිය සමඟ අග්‍රාමාත්‍ය රනිල් වික්‍රමසිංහ මහතා අඟහරුවාදා (7) සාකච්ඡාවක් පැවැත්වීය.
අග්‍රාමාත්‍යවරයා ඉල්ලා සිටියේ IMF හි කාර්ය මණ්ඩල මට්ටමේ නියෝජිත කණ්ඩායම හැකි ඉක්මනින් ශ්‍රී ලංකාවට පැමිණෙන ලෙසත් එවිට කාර්ය මණ්ඩල මට්ටමේ ගිවිසුම අවසන් කිරීමට හැකි වන ලෙසයි.
පාලම් මූල්‍ය සම්බන්ධ සාකච්ඡා ශ්‍රී ලංකාව සහ ජාත්‍යන්තර මූල්‍ය අරමුදල කාර්ය මණ්ඩල මට්ටමේ ගිවිසුමක් අවසන් කිරීම මත රඳා පවතින බව අග්‍රාමාත්‍යවරයා පැහැදිලි කළේය.
මෙම දුෂ්කර කාලවලදී ශ්‍රී ලංකාවට සහාය වීමට කළමනාකාර අධ්‍යක්ෂවරිය කැමැත්ත පළ කළ බව අග්‍රාමාත්‍ය මාධ්‍ය අංශය ප්‍රකාශ කළේය.
