ධනවතුන් මත බදු වැඩි කරන අමෙරිකානු ඩොලර් බිලියන 700ක වටිනාකමකින් යුත් නව පනතකට අමෙරිකානු ජනාධිපති ජෝ බයිඩ්න් අත්සන් තබා තිබේ.
මෙම පනත මගින් සෞඛ්‍ය ආරක්ෂණ වියදම් සහ දේශගුණික විපර්යාසවලට එරෙහිව ද කටයුතු කරනු ඇති අතර දශක ගණනාවක සිට කොංග්‍රසය, නිර්දේශිත ඖෂධවල මිල සීමා කිරීම සඳහා ගෙන ආ යෝජනාව ද මෙම පනතට ඇතුළත් වේ.
ජෝ බයිඩන්ගේ මෙම නව පනත ඉදිරි මැතිවරණයට පෙර තල්ලුවක් වනු ඇති බව විදෙස් මාධ්‍ය සඳහන් කර සිටියා.
