නුදුරු අනාගතයේ දී කොරියාවට නව ශ්‍රී ලාංකික ශ්‍රමිකයින් ඇතුළුවීම නැවත ආරම්භ කිරීමට කොරියානු රජය තීරණය කර ඇති බව ශ්‍රී ලංකාවේ දකුණු කොරියානු තානාපති Santhush Woojin Jeong මහතා අද නිවේදනය කළේය.
ඒ මහතා පැවසුවේ, ශ්‍රී ලංකාවෙන් පැමිණෙන නව සංක්‍රමණික සේවකයින් සඳහා කොරියාව එහි දොරටු විවෘත කරන බවයි. කොරෝනා වසංගතය හේතුවෙන් නව විදේශ ශ්‍රමිකයන් කොරියාවට ඇතුළුවීම සීමා කර තිබුණු නමුත් මේ වන විට සෞඛ්‍ය මාර්ගෝපදේශ සපුරාලීමේ කොන්දේසිය මත ශ්‍රී ලාංකිකයින් ඇතුළු නව විදේශ ශ්‍රමිකයින් ඇතුළුවීම නැවත ආරම්භ කිරීමට කොරියානු රජය තීරණය කර තිබෙන බව තානාපතිවරයා නිවේදනයක් නිකුත් කරමින් කියා සිටියේය.
