ටොයෝටා සමාගම සිය ඉලෙක්ට්‍රික් වාහනවල තවදුරටත් දියුණු කිරීමට පියවර ගෙන තිබේ.

ඔවුන්ගේ ඉලෙක්ට්‍රික් වාහනවල නිෂ්පාදන වියදම අඩු කිරීමටත්, එම වාහන සඳහා වැඩිදියුණු කළ බැටරි හඳුන්වා දීමට හා ක්‍රියාකාරීත්වය තවදුරටත් දියුණු කිරීමටත් අපේක්ෂා කරන බව ටොයෝටා සමාගම පැවසීය.

මේ වනවිට ඉලෙක්ට්‍රික් වාහන සඳහා ලොව දැඩි තරගයක් ඇති අතර ටොයෝටා සමාගම උත්සාහ දරන්නේ එම තරගයට එක්වීමට බව විචාරකයෝ පවසති.

ලොව විද්‍යුත් වාහන වෙළෙඳපොළේ ඉදිරියෙන්ම සිටින්නේ ටෙස්ලා සමාගමයි.

නවීන ඩ්‍රෝන තාක්ෂණය මෙරට කෘෂිකර්ම ක්ෂේත්‍රයේ දියුණුව සඳහා යොදා ගත හැකි බව අධ්‍යාපන අමාත්‍ය සුසිල් ප්‍රේම ජයන්ත මහතා පවසයි.
වෘත්තීය පුහුණු අධිකාරිය (VTA) විසින් දියත් කරන ලද ඩ්‍රෝන නියමුවන් පුහුණු කිරීමේ වැඩසටහනක උත්සවයකට සහභාගී වෙමින් ඔහු මේ බව ප්‍රකාශ කර සිටි අතර, කාලය ඉතිරි කර ගැනීමට, කෘෂිකාර්මික අංශයේ නාස්තිය අවම කිරීමට සහ නිෂ්පාදනය වැඩි කිරීමට ඩ්‍රෝන මෙහෙයුම්වල නවීන තාක්ෂණය භාවිතා කළ යුතු බවයි ඔහු වැඩිදුරටත් ප්‍රකාශ කර සිටියේ.

මේ පිළිබඳ වැඩිදුර අදහස් දැක් වූ අමාත්‍යවරයා, දැනට වෙනත් රටවල් ඔවුන්ගේ දියුණුව සඳහා මෙම තාකෂණය යොදාගගන්න බවත්, අවාසනාවකට මෙරට මෙම තාක්ෂණයට හුරු වෙන්නේ වර්තමානයේ බවත් ප්‍රකාශ කර සිටියා.
එමෙන්ම ඩ්‍රෝන පුහුණුව පිළිබඳ මෙවැනි වැඩසටහන් ශ්‍රී ලංකාවේ මෙතෙක් පවත්වා නැති අතර මෙම පුහුණුවෙන් පසු අක්කර ගණනක කුඹුරු වගාව සඳහා පළිබෝධනාශක ඉසීම වැනි කටයුතු සඳහා මෙම තාක්ෂණය යොදා ගත හැකි බවත් අමාත්‍යවරයා ප්‍රකාශ කර සිටියා.

Meta ආයතනය විසින් WhatsApp පරිශීලකයින්ට ඡන්ද විමසීම් සඳහා වැඩිදියුණු කිරීම් (Polls), සිරස්තල සහිත මාධ්‍ය ඉදිරියට යැවීම (forwarding media with captions) සහ සිරස්තල සහිත ලේඛන බෙදා ගැනීමයි (sharing documents with caption) යන නව විශේෂාංග 3ක් හඳුන්වාදී තිබේ.
.
මෙම නව යාවත්කාලීන කිරීම් (update) ගෝලීය වශයෙන් නිකුත් වෙමින් පවතින අතර යෙදුමේ නවතම අනුවාදය ස්ථාපනය කර සියලුම පරිශීලකයින් වෙත නිකුත් කරනු ඇත.

කෙසේ වුවද මෙම විශේෂාංග සෑම කෙනෙකුටම ලබා ගැනීමට යම් කාලයක්ගත විය හැකි බව විදෙස් මාධ්‍ය පවසයි.