ආසියානු ක්‍රීඩා උළෙලේ කාන්තා ක්‍රිකට් තරගාවලියේ රන් පදක්කම හිමිකරගැනීමට ඉන්දීය කාන්තා ක්‍රිකට් කණ්ඩායම අද (25) සමත් වූ අතර ශ්‍රී ලංකා කාන්තා ක්‍රිකට් කණ්ඩායම එම ඉසව්වේ රිදී පදක්කම හිමිකරගත්තාය.

ප්‍රථමයෙන් පන්දුවට පහර දුන් ඉන්දීය කාන්තා ක්‍රිකට් කණ්ඩායම නියමිත පන්දුවාර විස්ස අවසානයේ කඩුලු 7ක් දැවී ලකුණු 116 රැස් කළ අතර පන්දුවාර 20 අවසානයේ කඩුලු 8ක් දැවී ශ්‍රී ලංකා කණ්ඩායම රැස්කරගත්තේ ලකුණු 97ක් පමණි.

පිළිතුරු ඉනිම ක්‍රීඩා කළ ශ්‍රී ලංකා කණ්ඩායම වෙනුවෙන් හසිනි පෙරේරා ලකුණු 25ක් රැස්කර ගත් අතර නිලක්ෂි ද සිල්වා ලකුණු 23ක් රැස්කරගත්තාය.

පන්දු යැවීමේදී ඨිටස් Sඅදු අගනා පන්දු යැවීමක නිරතවෙමින් ලකුණු 6කට කඩුලු 3ක් දවාගැනීමට සමත් වූ අතර ර්‍අජෙශ්වරි ඝයක්වඩ් කඩුලු 2ක් දවාගත්තාය.

චීනයේ පැවැත්වෙන 19 වැනි ආසියානු ක්‍රීඩා උළෙලේ කාන්තා ක්‍රිකට් තරගාවලියේ අවසන් මහා තරගය අද (25) පැවැත්වෙනවා.

ශ්‍රී ලංකා කාන්තා කණ්ඩායම හා ඉන්දීය කාන්තා කණ්ඩායම අතර මෙම අවසන් මහා තරගය මේ වනවිට චීනයේ හැන්ග්ෂු හී ආරම්භ කර ඇති අතර තරගයේ කාසියේ වාසිය දිනාගත් ඉන්දීය කාන්තා කණ්ඩායම පළමුවෙන් පන්දුවට පහරදීමට තීරණය කර ඇතිබව වාර්තා වේ.

ඇප කොන්දේසි ලිහිල් කරගැනීම සඳහා ඉල්ලුම් කළ පෙත්සමක් විභාගයට ගැනීමෙන් අනතුරුව ශ්‍රී ලංකා ක්‍රිකට් ක්‍රීඩක ධනුෂ්ක ගුණතිලකට ඔස්ට්‍රේලියානු අධිකරණය විසින් Wහට්සැප්ප් සේවාව භාවිත කිරීම සහ රාත්‍රියේ දී පිටතට යාමේ අවස්ථාව ලබා දී ඇති බව වාර්තා වේ.

සිඩ්නි ඩව්නිං සෙන්ටර් ප්‍රාදේශීය අධිකරණය මගින් මෙලෙස ධනුෂ්ක ගුණතිලකගේ ඇප කොන්දේසි තවදුරටත් ලිහිල් කිරීමට පියවර ගෙන තිබූ බව විදෙස් මාධ්‍ය වාර්තාවල සඳහන් වේ.

කාන්තාවකට අතවර කිරීමේ චෝදනා මත ධනුෂ්ක ගුණතිලක මීට පෙර ඔස්ට්‍රේලියානු ඩොලර් 150,000 ක ඇප මත නිදහස් කිරීමට සිඩ්නි අධිකරණය තීරණය කරනු ලැබුවේ ය.