සංචාරක ශ්‍රී ලංකා කණ්ඩායම සහ බංග්ලාදේශය අතර පැවති දෙවන එක්දින ක්‍රිකට් තරගයෙන් කඩුලු 3 ක සුපිරි ජයක් වාර්තා කිරීමට ශ්‍රී ලංකා කණ්ඩායමට සමත් වුණි.

තරගයේ කාසියේ වාසිය දිනාගත් ශ්‍රී ලංකා කණ්ඩායම පළමුවෙන් පන්දුවට පහරදීම සඳහා බංග්ලාදේශ කණ්ඩායමට ආරාධනා කළ අතර ඔවුන් සිය පන්දුවාර 50 තුළ කඩුලු 7 ක් දැවී ලකුණු 286 ක් ලබා ගැනීමට සමත් වුණා.

බංග්ලාදේශ කණ්ඩායම වෙනුවෙන් Soumya Sarkar ලකුණු 68 ක්, Najmul Hossain Shanto ලකුණු 40 ක් හා Towhid Hridoy ලකුණු 96 ක් ලබා ගත්තා.

පන්දු යැවීමේදී වනිඳු හසරංග කඩුලු 4 ක්, ඩිල්ෂාන් මදුෂංක කඩුලු 2 ක් දවා ගැනීමට සමත් වුණා.

පිළිතුරු ඉනිම ක්‍රීඩා කළ ශ්‍රී ලංකා කණ්ඩායම පන්දුවාර 48 ක් අවසනායේ කඩුලු 7 ක් දැවී සිටියදී සිය ජයග්‍රාහී ඉලක්කය පසුකර යාමට සමත් වූ අතර, ශ්‍රී ලංකා කණ්ඩායම වෙනුවෙන් පැතුම් නිස්සංක ලකුණු 114 ක් හා චරිත් අසලංක ලකුණු 91 ක් ලබා ගැනීමට සමත් වුණා.

ශ්‍රී ලංකා තරග සංචාරයට එක්වන සිම්බාබ්වේ කණ්ඩායම අද (04) දිවයිනට පැමිණ තිබේ.

එම තරග සංචාරයේදී සිම්බාබ්වේ පිල ශ්‍රී ලංකා පිල සමග එක්දින තරග 3කට සහ 20-20 තරග 3කට සහභාගී වීමට නියමිත අතර සියලුම තරග කොළඹ ආර්. ප්‍රේමදාස ක්‍රීඩාංගණයේදී පැවැත්වේ.
තරගාවලිය ආරම්භ කරමින් පළමු එක්දින තරගය ජනවාරි 6 වැනිදා පැවැත්වීමට නියමිතව තිබේ.

කටාර්හි දෝහා හි පැවති ජාත්‍යන්තර බර ඉසිලීමේ සම්මේලනයේ (IWF) Grand Prix 2023 ඉසව්වේ දී ශ්‍රී ලංකා බර ඉසිලීමේ ක්‍රීඩක දිලංක කුමාර අද (05) ලෝකඩ පදක්කම් දෙකක් දිනා ගැනීමට සමත් විය.

2024 පැරිස් ඔලිම්පික් ක්‍රීඩා උළෙලට සුදුසුකම් ලැබීමේ ඉසව්වක් ලෙස IWF විසින් පවත්වනු ලබන මෙම තරඟාවලිය දෙසැම්බර් 14 දක්වා පැවැත්වේ.

කුමාර (කිලෝ ග‍්‍රෑම් 55), ඉන්දික දිසානායක (කිලෝ ග‍්‍රෑම් 73) සහ හංසනී ගෝමස් (කි‍ලෝ ග‍්‍රෑම් 49) යන ක්‍රීඩක ක්‍රීටිකාවන් SLWF ශ්‍රේණිගත කිරීම් අනුව මෙවර තරගාවලියට තේරී පත්ව ඇත.

මෙහෙදී කුමාර snatch ක්‍රමය යටතේ 112KG ක බරක් එසවීමට සමත් වූ අතර, clean & jerk ක්‍රමය යටතේ 133KG ක බරක් එසවීමට සමත් වුනා. ඒ් අනුව, කිලෝග්‍රෑම් 245 ක සමස්ත බරක් ඔසවමින් මෙම ඉසව්වේ ලෝකඩ පදක්කම දිනා ගැනීමට කුමාර සමත් විය.

මේ අතර, ගෝමස් කිලෝග්‍රෑම් 49 ඉසව්වෙන් පදක්කමක් දිනා ගැනීමට අපොහොසත් වූ නමුත් ස්නැච් (කිලෝග්‍රෑම් 75) සමස්ත කිලෝග්‍රෑම් 164 ක් සමඟින් ශ්‍රී ලංකා වාර්තා බිහි කිරීමට සමත් විය.