ස්වර්ගස්ථ වූ ශුද්ධෝත්තම ෆ්‍රැන්සිස් පාප් වහන්සේගේ අවසන් කටයුතු අප්‍රේල් 26 වන සෙනසුරාදා සිදුකරන බව විදෙස් මාධ්‍ය වාර්තා කරයි.

සාම්ප්‍රදායිකව පාප්වරුන්ගේ අවමංගල කටයුතු විචිත්‍රත්‍වයෙන් යුතුව පැවැත්වූවත්, ෆ්‍රැන්සිස් පාප්වහන්සේගේ අභිමතය පරිදි මෙම අවස්ථාව සරල ආකාරයකින් සිදුකිරීමට වතිකානය සැලසුම් කර තිබේ.

ශුද්ධෝත්තම ෆ්‍රැන්සිස් පාප්වහන්සේට ගෞරව දැක්වීමක් ලෙස, ප්‍රංශයේ අයිෆල් කුළුණ අද රාත්‍රියේදී විදුලි ආලෝකයෙන් වැළකීමට තීරණය කර ඇති බව පැරිස් නගරාධිපතිනී ඈන් හිඩැල්ගෝ නිවේදනයක් නිකුත් කරමින් පවසා ඇත.

පාප්වහන්සේගේ අභාවය සමග ලෝකයේ රටවල් රැසක් ශෝක කාලයක් ප්‍රකාශයට පත් කර ඇති අතර ඒ අනුව, පාප්වහන්සේගේ උපන් බිම වන ආර්ජන්ටිනාව දින හතක ශෝක කාලයක්ද, බ්‍රසීලය සතියක ශෝක කාලයක්ද ප්‍රකාශයට පත් කර තිබේ.

ඔස්ට්‍රියාවේ, දේශීය වේලාවෙන් පස්වරු 5.00ට සියලු දේවස්ථානවල සීනු නාද කරන ල්ද අතර, කළු කොඩි ද ඔසවා ඇඇති බව වාර්තා වේ.

ස්පාඥය තුන් දිනක ශෝක කාලයක් ප්‍රකාශයට පත් කර ඇති අතර, ප්‍රංශයේ පැරිසියේ නොට්‍රේ ඩෙම් ආසන දෙව් මැදුරේදී පාප්වහන්සේගේ වියට සමගාමීව සීනු නාද 88 වතාවක් නාද කරන ලදී.

ෆ්‍රැන්සිස් පාප්වහන්සේ පළමු ලතින් අමෙරිකානු පාප් වහන්සේ ලෙසද ඉතිහාසගත වෙයි.

මේ මස අවසානයේ සිට පොල් වතුහිමියන්ට පොහොර සහනාධාරය ලබා දීමට කටයුතු කරන බව වැවිලි හා ප්‍රජා යටිතල පහසුකම් අමාත්‍ය සමන්ත විද්‍යාරත්න මහතා පවසයි. මේ සඳහා රුපියල් මිලියන 5,600ක් යොදවා ඇති අතර අක්කර පහට අඩු පොල් ගොවීන්ට එම පොහොර සහනාධාරය ලබාදීමට සැලසුම් කර ඇති බව සඳහන්ය.

පොහොර සහනාධාරය ලබාදීම සඳහා පොහොර මෙට්‍රික් ටොන් 56,700ක් රජය සතුව පවතින බව අමාත්‍යවරයා කියා සිටියේය.