හිටපු අග්‍රාමාත්‍ය මහින්ද රාජපක්ෂට සහ හිටපු මුදල් අමාත්‍ය බැසිල් රාජපක්ෂට පනවා තිබූ විදෙස් ගමන් තහනම අගෝස්තු මස 04 වනදා දක්වා දීර්ඝ කර තිබෙනවා.
අගවිනිසුරු ජයන්ත ජයසූරිය මහතා ප්‍රමුඛ පංච පුද්ගල ශ්‍රේෂ්ඨාධිකරණ විනිසුරු මඩුල්ලක් විසින් මෙම නියෝගය ලබා දී ඇත.
පවතින ආර්ථික අර්බුදයට වගකිව යුතු පුද්ගලයින්ට එරෙහිව පරීක්ෂණයක් පවත්වන ලෙස අධිකරණයෙන් නියෝගයක් නිකුත් කරන ලෙස ඉල්ලා ගොනු කර තිබූ පෙත්සමකට අදාළ මෝසමක් අද කැඳවූ අවස්ථාවේදීයි විනිසුරු මඩුල්ල මෙම නියෝගය කළේ.
